പച്ച നിയോൻ വസ്ത്രം ധരിച്ചെത്തി, ഭീകരാന്തരീക്ഷം; സബ്‌വേ ട്രെയിനിൽ ആക്രമണം നടത്തി യുവതികൾ, വിഡിയോ
ന്യൂയോർക്ക്: യുഎസിലെ സബ്‌വേ ട്രെയിനിൽ ഭീകരാന്തരീക്ഷം സൃഷ്ടിച്ച് ഒരു സംഘം യുവതികൾ. പച്ച നിയോൻ ജംപ്സ്യൂട്ട് ധരിച്ച് മുഖമൂടിവച്ചാണ് സംഘം ആക്രമണം നടത്തിയത്. യാത്രക്കാരെ ആക്രമിച്ച യുവതികൾ മൊബൈൽ ഫോണും ക്രെഡിറ്റ് കാർഡുമുൾപ്പെടെ കവർന്നു.
ടൈംസ് സ്ക്വയർ സബ്‌വേ ട്രെയിനിൽ ഞായറാഴ്ച പുലർച്ചെ രണ്ടുമണിക്കാണ് സംഭവം. ആക്രമണത്തിന്റെ ദൃശ്യങ്ങൾ സമൂഹമാധ്യമത്തിൽ വൈറലായി. ശരീരമാകെ മറയ്ക്കുന്ന വസ്ത്രമാണ് ആറു സ്ത്രീകളും ധരിച്ചിരുന്നത്. ഇതിനുപുറമേ ജാക്കറ്റും ധരിച്ചിരുന്നു. ട്രെയിനിൽ യാത്ര ചെയ്തിരുന്ന രണ്ടു യുവതികളെ ആക്രമിച്ച ഇവർ മൊബൈൽ ഫോൺ, ക്രെഡിറ്റ് കാർഡുകൾ, പഴ്സ് എന്നിവ കവർന്നു.
കോളജ് വിദ്യാർത്ഥികളായ രണ്ട് യുവതികളാണ് ആക്രമണത്തിന് ഇരകളായത്. "അന്യഗ്രഹജീവികൾ ആക്രമിച്ചു" എന്നാണ് പരിക്കേറ്റ യുവതികളിൽ ഒരാൾ സംഭത്തെക്കുറിച്ച് പറഞ്ഞത്. പരിക്കേറ്റ ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
