പെരുമ്പാമ്പിന്റെ പിടിയില്‍ വീണാല്‍ രക്ഷയില്ലെന്നാണ് പൊതുവെ പറയാറ്. അടുത്തിടെ പെരുമ്പാമ്പ് ചുറ്റിവരിഞ്ഞ വളര്‍ത്തുനായയെ കുട്ടികള്‍ ചേര്‍ന്ന് വലിയ പരിശ്രമത്തിലൂടെ രക്ഷിക്കുന്ന ദൃശ്യങ്ങള്‍ വൈറലായിരുന്നു. ഇപ്പോള്‍ കംഗാരുവിനെ ചുറ്റിവരിഞ്ഞ പെരുമ്പാമ്പില്‍ നിന്ന് രക്ഷിക്കാന്‍ ശ്രമിക്കുന്ന മറ്റൊരു കംഗാരുവിന്റെ ദൃശ്യങ്ങളാണ് വൈറലാകുന്നത്.
ഇന്‍സ്റ്റാഗ്രാമില്‍ വൈല്‍ഡ് ലൈഫ് അനിമല്‍ എന്ന പേജിലാണ് വീഡിയോ പങ്കുവെച്ചത്. കംഗാരുവിനെ ചുറ്റിവരിഞ്ഞിരിക്കുകയാണ് പെരുമ്പാമ്പ്. മറ്റൊരു കംഗാരു ഇതിനെ രക്ഷിക്കാന്‍ ശ്രമിക്കുന്നതാണ് വീഡിയോയുടെ ഉള്ളടക്കം.
കടിച്ചും ചവിട്ടിയുമാണ് കംഗാരുവിനെ രക്ഷിക്കാന്‍ ശ്രമിക്കുന്നത്. എന്നാല്‍ ഇരയെ അകത്താക്കാതെ വിടില്ല എന്ന മട്ടില്‍ വരിഞ്ഞുമുറുക്കിയ നിലയിലാണ് പെരുമ്പാമ്പ്. പലപ്പോഴും 'സുഹൃത്തിനെ' രക്ഷിക്കാനുള്ള കംഗാരുവിന്റെ ശ്രമം വിഫലമാകുന്നതായി കാണാം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
