'എന്റെ മകള്‍ ഭര്‍ത്താവിനെ ബ്രിട്ടീഷ് പ്രധാനമന്ത്രിയാക്കി'; ഇന്‍സ്റ്റ വീഡിയോയില്‍ സുധാ മൂര്‍ത്തി, വിവാദം
ലണ്ടന്‍: ഋഷി സുനക്കിനെ പ്രധാനമന്ത്രിയാക്കിയതിന് പിന്നിലെ ശക്തി ഭാര്യയായ മകള്‍ എന്ന് സുധാ മൂര്‍ത്തി. ഋഷി സുനക്കിന്റെ ഭാര്യ അക്ഷതാ മൂര്‍ത്തിയുടെ അമ്മയാണ് ഇന്‍ഫോസിസ് സഹസ്ഥാപകന്‍ നാരായണ മൂര്‍ത്തിയുടെ ഭാര്യ കൂടിയായ സുധാ മൂര്‍ത്തി.
ഓണ്‍ലൈനില്‍ പ്രചരിക്കുന്ന വീഡിയോയിലാണ് സുധാ മൂര്‍ത്തിയുടെ അവകാശവാദം. ഋഷി സുനക് പെട്ടെന്ന് അധികാരത്തില്‍ എത്തിയതിന് പിന്നില്‍ മകളാണ്. 'ഞാന്‍ എന്റെ ഭര്‍ത്താവിനെ ബിസിനസുകാരനാക്കി. എന്റെ മകള്‍ അവരുടെ ഭര്‍ത്താവിനെ യുകെയിലെ പ്രധാനമാക്കി' - വീഡിയോയിലെ സുധാ മൂര്‍ത്തിയുടെ വാക്കുകള്‍. യുകെയിലെ ഏറ്റവും പ്രായം കുറഞ്ഞ പ്രധാനമന്ത്രിയാണ് ഋഷി സുനക്.
'ഭാര്യയുടെ മഹത്വമാണ് ഇതിന് കാരണം. ഒരു ഭാര്യ എങ്ങനെയാണ് ഭര്‍ത്താവില്‍ മാറ്റങ്ങള്‍ കൊണ്ടുവരുന്നത് എന്ന് കാണാം. ഞാന്‍ എന്റെ ഭര്‍ത്താവിനെ മാറ്റിയില്ല. പകരം ഭര്‍ത്താവിനെ ബിസിനസുകാരനാക്കുകയായിരുന്നു. അതേപോലെ തന്നെയാണ് എന്റെ മകള്‍ അവരുടെ ഭര്‍ത്താവിനെ പ്രധാനമന്ത്രിയാക്കിയത്'- സുധാ മൂര്‍ത്തിയുടെ ഇന്‍സ്റ്റഗ്രാം പോസ്റ്റിലെ വാക്കുകള്‍.
2009ലാണ് ഋഷി സുനക്കിനെ അക്ഷതാ മൂര്‍ത്തി വിവാഹം കഴിക്കുന്നത്. ലോകത്തെ അതിസമ്പന്നരുടെ പട്ടികയില്‍ അക്ഷതാ മൂര്‍ത്തിയും ഉള്‍പ്പെടുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
