വിമാനാപകടം; റഷ്യൻ കൂലിപ്പട്ടാള തലവൻ പ്രി​ഗോഷിൻ മരിച്ചു?

മോസ്ക്കോ: റഷ്യൻ കൂലിപ്പട്ടാളമായ വാ​ഗ്നർ സേനയുടെ തലവൻ യെവ്​ഗനി പ്രി​ഗോഷിൻ മരിച്ചതായി റിപ്പോർട്ടുകൾ. ബിബിസിയാണ് വാർത്ത് പുറത്തു വിട്ടത്. റഷ്യയിലുണ്ടായ വിമാനാപകടത്തിലാണ് പ്രി​ഗോഷിൻ മരിച്ചതെന്നും റിപ്പോർട്ടുകളിൽ വ്യക്തമാക്കുന്നു. സെന്റ് പീറ്റേഴ്സ്ബർ​ഗിനും മോസ്ക്കോയ്ക്കും ഇടയിൽ വച്ചാണ് വിമാനം അപകടത്തിൽപ്പെട്ടതെന്നു റഷ്യ വ്യക്തമാക്കി. 

പ്രി​ഗോഷനൊപ്പം വിമാനത്തിലുണ്ടായിരുന്ന മറ്റ് ഒൻപത് പേരും മരിച്ചതായും റിപ്പോർട്ടിൽ പറയുന്നു. അപകടത്തിൽപ്പെട്ട വിമാനത്തിലെ പത്ത് യാത്രക്കാരിൽ പ്രി​ഗോഷിന്റെ പേരുമുണ്ട്. 

ജെറ്റ് വിമാനമാണ് തകർന്നത്. ഇവർ സഞ്ചരിച്ച വിമാനം ട്വർ പ്രദേശത്തു വച്ച് റഷ്യൻ വ്യോമ പ്രതിരോധ സേന വെടിവച്ചിട്ടതാണെന്നു വാ​ഗ്നർ ​ഗ്രൂപ്പുമായി ബന്ധപ്പെട്ട ടെല​ഗ്രാം ​ഗ്രെ സോൺ റിപ്പോർട്ട് ചെയ്യുന്നു. എന്നാൽ ഇതുസംബന്ധിച്ചു മറ്റു വിവരങ്ങൾ പുറത്തു വന്നിട്ടില്ല. 

മോസ്‌കോ: റഷ്യയിലെ കൂലിപ്പട്ടാളമായ വാഗ്നര്‍ സേനയുടെ തലവന്‍ യെവ്‌ഗെനി പ്രിഗോഷിന്‍ കൊല്ലപ്പെട്ടു. ബി.ബി.സിയാണ് ഈ വാര്‍ത്ത പുറത്തുവിട്ടത്. റഷ്യയിലുണ്ടായ വിമാനാപകടത്തിലാണ് പ്രിഗോഷിന്‍ കൊല്ലപ്പെട്ടതെന്നാണ് പുറത്തുവരുന്ന സൂചനകള്‍ വ്യക്തമാക്കുന്നത്.

റഷ്യൻ പ്രസിഡന്റ് വ്ലാഡിമിർ പുടിന്റെ വിശ്വസ്തനായാണ് പ്രി​ഗോഷിൻ അറിയപ്പെട്ടിരുന്നത്. വ്യവസായിയായ പ്രി​ഗോഷിൻ 2014ലാണ് കൂല പട്ടാളമായ പിഎംസി വാ​ഗ്നർ (വാ​ഗ്നർ സൈന്യം) രൂപീകരിച്ചത്. വിദേശത്തെ സൈനിക നടപടികൾക്ക് റഷ്യ ഈ കൂലപ്പട്ടാളത്തെയാണ് ഉപയോ​ഗിക്കാറുള്ളത്. 250 പേരുമായി തുടങ്ങിയ സംഘം എട്ട് വർഷം കൊണ്ടു അര ലക്ഷം അം​ഗങ്ങളുള്ള സൈന്യമായി മാറി. 

റഷ്യക്കു വേണ്ടി യുക്രൈൻ യുദ്ധത്തിൽ മുന്നിൽ നിന്നു നയിച്ചത് വാ​ഗ്നർ സൈന്യമായിരുന്നു. എന്നാൽ പ്രി​ഗോഷിൻ ഒറ്റ ദിവസം കൊണ്ടു റഷ്യൻ നേതൃത്വത്തെ അമ്പരപ്പിച്ചു സായുധ കലാപത്തിനു ആഹ്വാനം ചെയ്തു. യുക്രൈൻ യുദ്ധത്തിനിടെയുണ്ടായ ഈ അപ്രതീക്ഷിത സൈനിക അട്ടിമറി നീക്കത്തിൽ റഷ്യൻ ഭരണകൂടം പകച്ചു. വൻ ചർച്ചകൾക്കും പ്രി​ഗോഷിന്റെ മാറ്റം വഴി തുറന്നു. 

തലസ്ഥാനമായ മോസ്ക്കോയ്ക്ക് 200 കിലോമീറ്റർ അരികെ വരെ വാ​ഗ്നർ സൈന്യം അന്ന് എത്തിയിരുന്നു. പിന്നീട് ഒത്തുതീർപ്പ് ചർച്ചകളിലൂടെ സൈനിക അട്ടിമറിയിൽ നിന്നു പ്രി​ഗോഷിനും സംഘവും പിൻമാറുകയായിരുന്നു. 

ഈ വാര്‍ത്ത കൂടി വായിക്കൂ 

ചന്ദ്രയാന്‍ മൂന്ന് വിജയം; ഇന്ത്യയെയും ഐഎസ്ആര്‍ഒയെയും അഭിനന്ദിച്ച് നാസ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ