ഹെലികോപ്റ്റർ, ആശുപത്രി കെട്ടിടത്തിൽ ഇടിച്ച് തകർന്നു വീണു; തുർക്കിയിൽ 4 മരണം (വിഡിയോ)

അങ്കാറ: തുർക്കിയിൽ ഹെലികോപ്റ്റർ ആംബുലൻസ് (എയർ ആംബുലൻസ്) ആശുപത്രി കെട്ടിടത്തിൽ ഇടിച്ചു തകർന്നു വീണു. അപകടത്തിൽ നാല് പേർ മരിച്ചു. രണ്ട് പൈലറ്റും ‍ഡോക്ടറും ആശുപത്രി ജീവനക്കാരിൽ ഒരാളുമാണ് മരിച്ചത്. ഇന്ന് വൈകീട്ടാണ് അപകടം.

കനത്ത മൂടൽ മഞ്ഞാണ് അപകടത്തിനിടയാക്കിയത് എന്നാണ് റിപ്പോർട്ടുകൾ. ആശുപത്രിക്ക് മുകളിൽ നിന്നു പറന്നുയരാൻ ശ്രമിച്ച ഹെലികോപ്റ്റർ ആംബുലൻസാണ് അപകടത്തിൽപ്പെട്ടത്. മു​ഗ്ല ട്രെയിനിങ് ആൻഡ് റിസർച്ച് ഹോസ്പിറ്റൽ കെട്ടിടത്തിന്റെ നാലാം നിലയിൽ ഇടിച്ചാണ് ​ഹെലികോപ്റ്റർ തകർന്നു വീണത്.

കപ്പലുകള്‍ക്ക് അന്യായ നിരക്ക് ഏര്‍പ്പാടാക്കുന്നത് നിര്‍ത്തണം, ഇല്ലെങ്കില്‍ പാനമ കനാലിന്റെ നിയന്ത്രണം ഏറ്റെടുക്കും: ട്രംപ്

അപകടത്തിൽ കെട്ടിടത്തിനുള്ളിൽ ഉള്ളവർക്കോ താഴെയുള്ളവർക്കോ പരിക്കേറ്റിട്ടില്ല. ദിവസങ്ങൾക്ക് മുൻപ് സൈനിക ഹെലികോപ്റ്ററുകൾ കൂട്ടിയിടിച്ച് 6 സൈനികർ മരിച്ചിരുന്നു.