കൊച്ചി: ദി ന്യൂ ഇന്ത്യന്‍ എക്‌സ്പ്രസിന്റെ ആഭിമുഖ്യത്തില്‍ നടക്കുന്ന ഗോള്‍ 2018ലെ പ്രീക്വാര്‍ട്ടര്‍ മത്സരത്തില്‍ എംഇഎസ് കോളേജ് മമ്പാട് ഇരിഞ്ഞാലക്കുട ക്രൈസ്റ്റ് കോളേജിനെ പരജായപ്പെടുത്തി. മഹാരാജാസ് കോളേജ് ഗ്രൗണ്ടില്‍ നടന്ന മത്സരത്തില്‍ ഒന്നിനെതിരെ രണ്ടുഗോളുകള്‍ക്കായിരുന്നു എംഇസിന്റെ വിജയം.
വന്‍ താരനിരയുമായാണ് എംഇഎസ് കളത്തിലിറങ്ങിയത്. 34ാം മിനിറ്റിലായിരുന്നു എംഇഎസിന്റെ ആദ്യഗോള്‍ പിറന്നത്. അഖിലായിരുന്നു ഗോള്‍ നേടിയത്. ഒന്നാം പകുതിയില്‍ ഒരു ഗോളിന് മുന്നില്‍ നിന്ന ടീം 79ാം മിനിറ്റില്‍ രണ്ടാം ഗോള്‍ നേടി. മുഹമ്മദ് അന്‍സ് റഹ്മാന്‍ വകയായിരുന്നു ഗോള്‍. കാലിക്കറ്റ് യൂണിവേഴ്‌സിറ്റി ടീമിന്റെ ക്യാപ്റ്റന്‍ കൂടിയാണ് അന്‍സ് റഹ്മാന്‍.
എങ്ങനെയെങ്കിലും ഗോള്‍ മടക്കുക എന്ന ആവേശത്തോടെ കളിച്ച ക്രൈസ്റ്റ് ടീം 86ാം മിനിറ്റില്‍ ആശ്വാസഗോള്‍ നേടി. ആന്റണി പൗലോസാണ് ക്രൈസ്റ്റിനായി ഗോള്‍ നേടിയത്. അവസാനനിമിഷങ്ങളില്‍ എംഇഎസ് നിരയില്‍ പത്തുപേരായിട്ടും ഗോള്‍ മടക്കാന്‍ ക്രൈസ്റ്റ് ടീമിന് കഴിഞ്ഞില്ല. ക്യാപ്റ്റന്‍ അന്‍സ് റഹ്മാന്‍ രണ്ടു തവണ മഞ്ഞക്കാര്‍ഡ് ലഭിച്ചതിനെ തുടര്‍ന്നാണ് പത്തംഗങ്ങളായി എംഇഎസ് ചുരുങ്ങിയത്. മഞ്ഞകാര്‍ഡ് കണ്ടതിന് പിന്നാലെ അന്‍സിന് ക്വാര്‍ട്ടര്‍ മത്സരത്തില്‍ കളിക്കാനാവില്ല
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
