ഏതൊരു ലോകോത്തര ബാറ്റ്‌സ്മാനേയും വിറപ്പിക്കുന്ന ബൗളിങ് നിരയുമായി പാകിസ്ഥാന്‍ കളിക്കുന്ന സമയം. ഈ സമയം പാകിസ്ഥാന്റെ വഖാര്‍ യൂനിസിനെതിരെ ഇന്ത്യയുടെ വന്‍മതില്‍ തുടരെ നേടിയ ബൗണ്ടറികള്‍ ക്രിക്കറ്റ് ലോകത്തിന്റെ ഓര്‍മയില്‍ നിന്ന് മായാനിടയില്ല.
1996ലെ പാകിസ്ഥാനെതിരായ അഞ്ച് ഏകദിനങ്ങളുടെ പരമ്പരയിലാണ് വഖാര്‍ യുനീസ് ദ്രാവിഡിന്റെ ബാറ്റിന്റെ ചൂടറിഞ്ഞത്. വന്‍മതിലായി ഉറച്ച് നിന്ന് പലവട്ടം ഇന്ത്യയെ താങ്ങി നിര്‍ത്തിയ ദ്രാവിഡ് ഇവിടെ പക്ഷേ ആക്രമണകാരിയായി. 1996ല്‍ ഇന്ത്യന്‍ ടീമിലേക്ക് ദ്രാവിഡ് എത്തിയ സമയമായിരുന്നു അതെന്നും ഓര്‍ക്കണം.
വഖാര്‍ യൂനിസിന്റെ ആ ഓവറില്‍ ദ്രാവിഡ് സ്‌കോര്‍ ചെയ്തത് 5 പന്തില്‍ 19 റണ്‍സ്, 4,4,2,6....അവസാന പന്തില്‍ മുഹമ്മദ് അസ്ഹറുദ്ധീനും യൂനിസിനെതിരെ ബൗണ്ടറി കണ്ടെത്തിയതോടെ ആ ഓവറില്‍ യുനീസ് വഴങ്ങിയത് 23 റണ്‍സ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
