ന്യൂഡല്‍ഹി: പാരീസ് ഒളിംപിക്സിന് ഇന്ത്യന്‍ വനിതാ ടീം യോഗ്യത നേടി. വനിതകളുടെ 4x400 മീറ്റര്‍ റിലേ ടീമാണ് യോഗ്യത നേടിയത്. യോഗ്യതാ മത്സരത്തില്‍ രണ്ടാം സ്ഥാനത്തു ഫിനിഷ് ചെയ്താണ് ഇന്ത്യന്‍ വനിതാ ടീം യോഗ്യത നേടിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
രുപാല്‍ ചൗധരി, എംആര്‍ പൂവമ്മ, ജ്യോതിക ശ്രീ ഡണ്ഡി, ശുഭ വെങ്കടേശന്‍ എന്നിവരടങ്ങിയ ടീമാണ് പാരീസ് ഒളിംപിക്സിന് യോഗ്യത നേടിയത്. ജമൈക്കയാണ് ഒന്നാം സ്ഥാനത്തെത്തിയത്.
4x400 മീറ്റര്‍ റിലേയില്‍ ഇന്ത്യന്‍ പുരുഷ ടീമും പാരീസ് ഒളിംപിക്സിന് യോഗ്യത നേടിയിട്ടുണ്ട്. മൂന്ന് മലയാളികളടങ്ങിയ പുരുഷ ടീമാണ് റിലേയില്‍ ഒളിംപിക്സ് യോഗ്യത നേടിയത്.
മലയാളികളായ മുഹമ്മദ് അനസ് യഹിയ, അമോജ് ജേക്കബ്, മുഹമ്മദ് അജ്മല്‍ എന്നിവര്‍ക്ക് പുറമെ ആരോഗ്യ രാജീവ് ആണ് പുരുഷ റിലേ ടീമിലുണ്ടായിരുന്നത്.
ഹീറ്റ്സിന്‍റെ രണ്ടാം റൗണ്ടില്‍ അമേരിക്കക്ക് (2:59.95) പിന്നില്‍ 3:3.23 രണ്ടാം സ്ഥാനത്ത് ഫിനിഷ് ചെയതാണ് ഇന്ത്യൻ പുരുഷ റിലേ ടീം പാരീസ് ഒളിംപിക്സ് യോഗ്യത ഉറപ്പാക്കിയത്. ഇതോടെ പാരീസ് ഒളിംപിക്സിന് ടിക്കറ്റെടുത്ത ഇന്ത്യൻ ട്രാക്ക് ആന്‍ഡ് ഫീല്‍ഡ് താരങ്ങളുടെ എണ്ണം 19 ആയി. ഓഗസ്റ്റ് ഒന്നു മുതലാണ് പാരീസ് ഒളിംപിക്സിലെ അത്‌ലറ്റിക്സ് മത്സരങ്ങള്‍ തുടങ്ങുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
