കിങ്സ്റ്റന്‍: അഫ്ഗാനിസ്ഥാന്‍ ടി20 ലോകകപ്പ് സൂപ്പര്‍ 8ല്‍ കരുത്തരായ ഓസ്‌ട്രേലിയയെ വീഴ്ത്തിയത് ആഘോഷമാക്കി ക്രിക്കറ്റ് ലോകം. മുന്‍ താരങ്ങളില്‍ പലരും അഫ്ഗാനെ അഭിനന്ദിച്ച് രംഗത്തെത്തി.
2023ലെ ഏകദിന ലോകകപ്പില്‍ അഫ്ഗാനെതിരെ ഗ്ലെന്‍ മാക്‌സ്‌വെല്‍ കരുത്തില്‍ ഓസ്‌ട്രേലിയ ജയം ആഘോഷിച്ചിരുന്നു. വിജയത്തിന്റെ വക്കില്‍ നിന്ന അഫ്ഗാന്റെ ഹൃദയം മുറിപ്പെടുത്തി മാക്‌സ്‌വെല്ലിന്റെ ഇരട്ട സെഞ്ച്വറിയുമായുള്ള ഒറ്റയാള്‍ പ്രകടനത്തില്‍ അവിശ്വസനീയ വിജയമാണ് അന്ന് ഓസീസ് സ്വന്തമാക്കിയത്.
ഇത്തവണയും മാക്‌സ്‌വെല്‍ അഫ്ഗാന്‍ ബൗളിങിനെ ചെറുത്തു. അര്‍ധ സെഞ്ച്വറി നേടിയ താരത്തിന്റെ പ്രകടനവും ഏകദിന ലോകകപ്പില്‍ മാക്‌സ്‌വെല്ലിനൊപ്പം കരുത്തോടെ നിന്ന പാറ്റ് കമ്മിന്‍സ് ഹാട്രിക്ക് വിക്കറ്റ് നേടിയതും മാറ്റി നിര്‍ത്തിയാല്‍ കളി സമ്പൂര്‍മായി കൈയിലൊതുക്കിയാണ് അഫ്ഗാന്‍ പക വീട്ടിയത്. 2023 ഏകദിന ലോകകപ്പിലെ തോല്‍വിക്ക് 2024ലെ ടി20 ലോകകപ്പില്‍ മധുര മറുപടി.
അഭിനന്ദിച്ച് ക്രിക്കറ്റ് ലോകം
വസിം ജാഫര്‍
'അഫ്ഗാനിസ്ഥാനോട് അനാദരവ് കാണിക്കരുത്. ഏത് ടീമിനേയും തങ്ങളുടെ ദിവസം അവര്‍ വീഴ്ത്തും. തങ്ങളുടെ കഴിവനുസരിച്ച് അവര്‍ കളിച്ച് ഇന്ന് ഏറ്റവും മികച്ച ഓസീസ് സംഘത്തെയാണ് പരാജയപ്പെടുത്തിയത്. ആഘോഷിക്കേണ്ട കാര്യമാണ്. നന്നായി കളിച്ചതിനു അഭിനന്ദങ്ങള്‍ അഫ്ഗാന്‍ ടീം.'
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
മൈക്കല്‍ വോണ്‍
'നമ്മള്‍ ഇന്നു കണ്ടതു പോലെയുള്ള പ്രകടനങ്ങള്‍ അഫ്ഗാന്‍ പുറത്തെടുക്കുന്നതില്‍ അതിശയിക്കാന്‍ ഒന്നുമില്ല.'
രാജസ്ഥാന്‍ റോയല്‍സ്
'ഇത് അപ്‌സെറ്റല്ല, ഇതാണ് അഫ്ഗാനിസ്ഥാന്‍'
ഹര്‍ഷ ഭോഗ്‌ലെ (ക്രിക്കറ്റ് കമന്റേറ്റര്‍)
'അഫ്ഗാനിസ്ഥാന്‍ ആദ്യമായി ഓസ്‌ട്രേലിയയെ വീഴ്ത്തിയതിന്റെ അതിമനോഹരവും വൈകാരികവുമായി രംഗങ്ങളാണ് കാണുന്നത്. പ്രതിസന്ധിയില്‍ നില്‍ക്കുന്ന ഒരു രാജ്യത്തിന്റെ പോരാടി കയറാനുള്ള ആത്മാവും ഊര്‍ജവും ആഗ്രഹവുമാണ് ഈ ജയം.'
ചെന്നൈ സൂപ്പര്‍ കിങ്‌സ്
'അവര്‍ക്കത് സാധിക്കും, അവരത് സാധിച്ചു! അസാമാന്യ ക്രിക്കറ്റ് പോരാട്ടം അഫ്ഗാനിസ്ഥാന്‍!'
എംപുമെലേലോ മബാംഗ്വ
'ക്രിക്കറ്റ് ലോകത്ത് അഫ്ഗാനിസ്ഥാന്‍ മാന്ത്രിക കഥകള്‍ സൃഷ്ടിക്കുന്നത് തുടരുന്നു. വന്‍ വിജയമാണിത്! അക്ഷരാര്‍ഥത്തില്‍ ഗ്രൂപ്പിനെ ശരിക്കും കുലുക്കുന്നത്.'
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
