ചിലിയെ പുറത്താക്കി അർജന്റീന, ലോകകപ്പ് യോഗ്യതാ മത്സരത്തിൽ 2-1ന് ജയം

ലോകകപ്പ് യോഗ്യതാ മത്സരത്തിൽ ചിലിയെ തോൽപ്പിച്ച് അർജന്റീന. ഒന്നിനെതിരെ രണ്ട് ഗോളുകൾക്കാണ് അർജന്റീനയുടെ ജയം

ഫോട്ടോ: ട്വിറ്റർ

Updated on:

28 Jan 2022, 3:37 am

1 min read

ലോകകപ്പ് യോഗ്യതാ മത്സരത്തിൽ ചിലിയെ തോൽപ്പിച്ച് അർജന്റീന. ഒന്നിനെതിരെ രണ്ട് ഗോളുകൾക്കാണ് അർജന്റീനയുടെ ജയം. തോൽവിയോടെ ചിലി ലോകകപ്പിന് യോഗ്യതാ നേടാതെ പുറത്തായി.

ലവ്‌താരോ മർട്ടിനെസ്, ഏയ്ഞ്ചൽ ഡി മരിയ എന്നിവരാണ് അർജന്റീനക്ക് വേണ്ടി ഗോൾ നേടിയത്. 9ാം മിനിറ്റിൽ മരിയയിലൂടെയാണ് അർജന്റീന ഗോൾ വല കുലുക്കി തുടങ്ങിയത്. 20ാം മിനിറ്റിൽ ചിലി മറുപടി നൽകിയെങ്കിലും 34ാം മിനിറ്റിൽ മാർട്ടിനെസിലൂടെ ലീഡ് എടുത്ത് അർജന്റീന ജയം പിടിച്ചു.

കോവിഡ് ബാധിച്ച പരിശീലകൻ ലയണല്‍ സ്‌കലോണി, സൂപ്പർ താരം ലയണൽ മെസി എന്നിവരുടെ അഭാവത്തിലാണ് ഇന്ന് പുലർച്ചെ അർജന്റീന ചിലിയെ നേരിട്ടത്. നേരത്തെ തന്നെ അർജന്റീന ഖത്തർ ലോകകപ്പിനുള്ള ടിക്കറ്റ് ഉറപ്പിച്ചിരുന്നു