സിംബാബ്വെക്കെതിരെ തോൽക്കാൻ കാരണം അസ്​ഗർ അഫ്​ഗാൻ, നായക സ്ഥാനം തെറിച്ചു, അഫ്​ഗാനിസ്ഥാന് പുതിയ ക്യാപ്റ്റൻ

മാർച്ചിൽ നടന്ന സിംബാബ് വെക്കെതിരായ ടെസ്റ്റിലെ തോൽവി സംബന്ധിച്ച് അഫ്​ഗാൻ ക്രിക്കറ്റ് ബോർ‍‍‍ഡിലെ അന്വേഷണ വിഭാ​ഗം അന്വേഷണം നടത്തി
അസ്ഗര്‍ അഫ്ഗാന്‍/ഫയല്‍ ചിത്രം
അസ്ഗര്‍ അഫ്ഗാന്‍/ഫയല്‍ ചിത്രം
Updated on: 
1 min read



കാബുൾ: നായക സ്ഥാനത്ത് നിന്ന് അസ്​ഗർ അഫ്​ഗാനെ മാറ്റി അഫ്​ഗാനിസ്ഥാൻ ക്രിക്കറ്റ് ബോർഡ്. സിംബാബ് വെക്കെതിരായ ടെസ്റ്റിൽ നേരിട്ട തോൽവിയെ തുടർന്നാണ് നടപടി. ടെസ്റ്റിൽ അസ്​ഗർ എടുത്ത പല തീരുമാനങ്ങളും അഫ്​ഗാനിസ്ഥാന്റെ തോൽവിക്ക് കാരണമായതായി അഫ്​ഗാൻ ക്രിക്കറ്റ് ബോർഡ് പ്രസ്താവനയിൽ പറയുന്നു. 

മാർച്ചിൽ നടന്ന സിംബാബ് വെക്കെതിരായ ടെസ്റ്റിലെ തോൽവി സംബന്ധിച്ച് അഫ്​ഗാൻ ക്രിക്കറ്റ് ബോർ‍‍‍ഡിലെ അന്വേഷണ വിഭാ​ഗം അന്വേഷണം നടത്തി. അന്വേഷണ വിഭാ​ഗത്തിന്റെ കണ്ടെത്തലിന്റെ അടിസ്ഥാനത്തിലാണ് അസ്​ഗറെ നായക സ്ഥാനത്ത് നിന്ന് മാറ്റിയിരിക്കുന്നത്. എന്നാൽ കളിയിൽ അസ്​ഗർ എടുത്ത ഏത് തീരുമാനമാണ് ടീമിന്റെ തോൽവിയിലേക്ക് നയിച്ചത് എന്ന് അഫ്​ഗാൻ ക്രിക്കറ്റ് ബോർഡ് വ്യക്തമാക്കിയിട്ടില്ല. 

സിംബാബ്വെക്കെതിരായ രണ്ട് ടെസ്റ്റുകളുടെ പരമ്പരയിലെ ആദ്യ ടെസ്റ്റിൽ രണ്ട് ദിവസം കൊണ്ടാണ് അഫ്​ഗാനിസ്ഥാനെ സിംബാബ്വെ തകർത്തിട്ടത്. എന്നാൽ രണ്ടാം ടെസ്റ്റിൽ ആറ് വിക്കറ്റിന്റെ ജയം തേടി അഫ്​ഗാൻ പരമ്പര സമനിലയിലാക്കി. ഇടംകയ്യൻ ബാറ്റ്സ്മാൻ ഹഷ്മത്തുള്ള ഷഹീദിയാണ് അഫ്​ഗാനിസ്ഥാന്റെ പുതിയ ടെസ്റ്റ്, ഏകദിന നായകൻ. 

റഹ്മത് ഷാ ഉപനായകനാവും. ടി20 ഫോർമാറ്റിൽ റാഷിദ് ഖാനാണ് വൈസ് ക്യാപ്റ്റൻ. ഈ ഫോർമാറ്റിലെ അഫ്​ഗാൻ നായകനെ ഉടൻ പ്രഖ്യാപിക്കുമെന്നാണ് അഫ്​ഗാൻ ക്രിക്കറ്റ് ബോർഡ് പറയുന്നത്. 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER