കുതിപ്പ് അവസാനിച്ചു, ആദ്യ തോൽവി ഏറ്റുവാങ്ങി ബെംഗളൂരു; എതിരില്ലാത്ത ഒരു ഗോളിന് ജയം നേടി എടികെ മോഹന്‍ ബഗാന്‍ 

ഫത്തോര്‍ഡ: ഐഎസ്എല്ലിലെ ഈ സീസണിലെ ആദ്യ തോൽവി അറിഞ്ഞ് ബെംഗളൂരു എഫ് സി. ഇന്ന് നടന്ന മത്സരത്തില്‍ എതിരില്ലാത്ത ഒരു ഗോളിന് എടികെ മോഹന്‍ ബഗാന്‍ ബെംഗളൂരുവിനെ കീഴടക്കി. സീസണില്‍ എടികെയുടെ അഞ്ചാം ജയമാണിത്. 

ഡേവിഡ് വില്യംസാണ് എടികെയുടെ വിജയ ഗോള്‍ നേടിയത്. കളിയുടെ 33-ാം മിനിറ്റില്‍ കാള്‍ മക്ഹ്യു നല്‍കിയ ലോങ് പാസ് സ്വീകരിച്ച വില്യംസ് പന്ത് വലയിലെത്തിക്കുകയായിരുന്നു. രണ്ടാം പകുതിയിൽ  73-ാം മിനിറ്റില്‍ ലഭിച്ച സുവര്‍ണാവസരം ബെംഗളൂരു താരം ക്ലെയ്റ്റന്‍ സില്‍വ നഷ്ടപ്പെടുത്തിയതോടെ കളി പൂർണമായും എടികെയുടെ വരുതിയിലെത്തി.