ദുബായ്: അന്താരാഷ്ട്ര ട്വന്റി 20 ക്രിക്കറ്റിൽ ഏറ്റവുമധികം വിക്കറ്റെടുത്ത താരമെന്നന റെക്കോഡ് ഇനി ബംഗ്ലാദേശ് ഓൾറൗണ്ടർ ഷാക്കിബ് അൽ ഹസന്റെ പേരിൽ. ശ്രീലങ്കയുടെ ലസിത് മലിംഗയെ മറികടന്നാണ് ഷാക്കിബ് നേട്ടം സ്വന്തമാക്കിയത്. 89 മത്സരങ്ങളിൽ നിന്നായി 109 വിക്കറ്റുകളാണ് ഷാക്കിബ് വീഴ്ത്തിയത്. 107 വിക്കറ്റുകളാണ് മലിംഗയുടെ പേരിലുള്ളത്.
സ്‌കോട്‌ലൻഡിനെതിരേ കളിച്ച ലോകകപ്പ് യോഗ്യതാ മത്സരത്തിൽ രണ്ട് വിക്കറ്റ് വീഴ്ത്തിയതോടെയാണ് ഷാക്കിബ് മലിംഗയെ മറികടന്നത്. നാലോവറിൽ വെറും 17 റൺസ് മാത്രം വിട്ടുനൽകിയാണ് താരം രണ്ട് പേരെ പുറത്താക്കിയത്. എങ്കിലും ആറുറൺസിന് ബംഗ്ലാദേശ് സ്‌കോട്‌ലൻഡിനോട് തോൽവി വഴങ്ങി
ന്യൂസീലൻഡ് താരം ടിം സൗത്തിയാണ് ടി20 വിക്കറ്റ് വേട്ടയിൽ മൂന്നാമതുള്ളത്. കൂടുതൽ വിക്കറ്റ് നേടിയവരുടെ ആദ്യ പത്ത് സ്ഥാനങ്ങളിൽ ഒറ്റ ഇന്ത്യൻ താരം പോലും ഇടം കണ്ടെത്തിയിട്ടില്ല. ട്വന്റി 20യിൽ ആയിരത്തിലധികം റൺസും നൂറിലധികം വിക്കറ്റും നേടിയ ഏക ക്രിക്കറ്റ് താരമെന്ന റെക്കോഡും ഷാക്കിബിന്റെ പേരിലാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
