മുംബൈ: വനിതാ പ്രീമിയര്‍ ലീഗ് പോരാട്ടത്തിന്റെ നാലാം എഡിഷന്റെ മത്സര തീയതികള്‍ പ്രഖ്യാപിച്ച് ബിസിസിഐ. 2026 ജനുവരി 9 മുതല്‍ ഫെബ്രുവരി 5 വരെയാണ് പോരാട്ടങ്ങള്‍. രണ്ട് വേദികളിലായാണ് നാലാം എഡിഷന്‍ അരങ്ങേറുന്നത്. നവി മുംബൈ, വഡോദര എന്നിവയാണ് വേദികള്‍.
കേരള ക്രിക്കറ്റ് അസോസിയേഷന്‍ തലവനും വനിതാ പ്രീമിയര്‍ ലീഗ് ചെയര്‍മാനുമായ ജയേഷ് ജോര്‍ജാണ് തീയതികള്‍ പ്രഖ്യാപിച്ചത്. വനിതാ പ്രീമിയര്‍ ലീഗിലേക്കുള്ള താരങ്ങളെ തിരഞ്ഞെടുക്കുന്ന മെഗാ ലേലത്തിന്റെ തുടക്കത്തില്‍ സംസാരിക്കവെയാണ് അദ്ദേഹം തീയതികള്‍ പുറത്തുവിട്ടത്.
നിലവില്‍ അഞ്ച് ടീമുകളാണ് വനിതാ പ്രീമിയര്‍ ലീഗില്‍ മാറ്റുരയ്ക്കുന്നത്. ഡല്‍ഹി ക്യാപിറ്റല്‍സ്, ഗുജറാത്ത് ജയന്റ്‌സ്, മുംബൈ ഇന്ത്യന്‍സ്, റോയല്‍ ചലഞ്ചേഴ്‌സ് ബംഗളൂരു, യുപി വാരിയേഴ്‌സ് എന്നിവയാണ് ടീമുകള്‍.
2023ലാണ് പ്രഥമ വനിതാ പ്രീമിയര്‍ ലീഗിന്റെ ആദ്യ അധ്യായം തുടങ്ങിയത്. മുംബൈ ഇന്ത്യന്‍സാണ് കന്നി കിരീടം സ്വന്തമാക്കിയത്. 2024ല്‍ റോയല്‍ ചലഞ്ചേഴ്‌സ് ബംഗളൂരുവാണ് കിരീടം സ്വന്തമാക്കിയത്. കഴിഞ്ഞ വര്‍ഷം മുംബൈ കിരീടം തിരികെ പിടിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
