മെല്‍ബണ്‍: രണ്ടാം ടെസ്റ്റിനുള്ള ഇന്ത്യന്‍ ടീമിനെ പ്രഖ്യാപിച്ചു. ശുഭ്മാന്‍ ഗില്ലും, മുഹമ്മദ് സിറാജും ഇന്ത്യക്ക് വേണ്ടി അരങ്ങേറ്റം കുറിക്കും. കോഹ്‌ലിയുടെ അഭാവത്തില്‍ രഹാനെയാണ് ക്യാപ്റ്റന്‍.
വൃധിമാന്‍ സാഹയ്ക്ക് പകരം റിഷഭ് പന്ത് പ്ലേയിങ് ഇലവനിലേക്ക് എത്തി. രവീന്ദ്ര ജഡേജയും ടീമിലേക്ക് മടങ്ങിയെത്തി. പേസ് നിരയില്‍ ബൂമ്ര, ഉമേഷ് യാദവ്, മുഹമ്മദ് സിറാജ് സഖ്യം വരുമ്പോള്‍, അശ്വിനാണ് പ്രധാന സ്പിന്നര്‍.
കെ എല്‍ രാഹുല്‍ പ്ലേയിങ് ഇലവനില്‍ ഇടം നേടിയില്ല എന്നതും പ്രത്യേകതയാണ്. രാഹുലിനെ ടീമില്‍ ഉള്‍പ്പെടുത്താതിരുന്നതോടെ ഗില്ലായിരിക്കും മായങ്കിനൊപ്പം ഇന്ത്യക്ക് വേണ്ടി ഇന്നിങ്‌സ് ഓപ്പണ്‍ ചെയ്യുക. ഹനുമാ വിഹാരി ടീമില്‍ സ്ഥാനം നിലനിര്‍ത്തി.
അഡ്‌ലെയ്ഡ് ടെസ്റ്റിലെ രണ്ട് ഇന്നിങ്‌സിലും പരാജയപ്പെട്ട പൃഥ്വി ഷായെ ടീമില്‍ നിന്ന് മാറ്റണമെന്ന മുറവിളി ഉയര്‍ന്നിരുന്നു. എന്നാല്‍ ഒരു മത്സരത്തിലെ മോശം പ്രകടനം കൊണ്ട് വിധിയെഴുതരുത് എന്ന വാദവും പൃഥ്വിയെ പിന്തുണച്ച് പല കോണുകളില്‍ നിന്ന് ഉയരുകയുണ്ടായി. പക്ഷേ, മികച്ച ഫോമില്‍ നില്‍ക്കുന്ന ഗില്ലിന് അരങ്ങേറ്റത്തിന് അവസരം നല്‍കുകയാണ് ടീം മാനേജ്‌മെന്റ് ഇപ്പോള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
