റിയോ ഡി ജനീറോ: ബ്രസീൽ ഫുട്ബോൾ താരം പരിശീലനം നടത്തുന്നതിനിടെ കുഴഞ്ഞു വീണു മരിച്ചു. നാലാം ഡിവിഷനിൽ കളിക്കുന്ന ഹോസെ അൽഡീൻ ഒലിവേരയാണ് മരിച്ചത്. പരിശീലനത്തിനിടെ താരത്തിനു ഹൃദയാഘാതം ഉണ്ടായെന്നാണ് റിപ്പോർട്ടുകൾ.
ബഹിയ ഡെ ഫെയ്റ ക്ലബിനായാണ് താരം കളിക്കുന്നത്. 36കാരനായ താരത്തെ കുഴഞ്ഞു വീണ ഉടനെ ടീം ഡോക്ടർ പരിശോധിച്ചെങ്കിലും മരണം സംഭവിച്ചു.
സീരിസ് ഡി പ്ലേ ഓഫിൽ പോടിഗാറിനെതിരെയാണ് താരം അവസാനമായി ടീമിനായി കളിച്ചത്. പെനാൽറ്റി ഷൂട്ടൗട്ടിൽ വിജയിച്ച് ബഹിയ ഡെ ഫെയ്റ പ്രീ ക്വാർട്ടറിലേക്ക് മുന്നേറി.
ഈ സീസണിൽ 23 മത്സരങ്ങളാണ് താരം ടീമിനായി കളിച്ചത്. അഞ്ച് ഗോളുകളും ഒരു അസിസ്റ്റും നേടി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
