ഡബ്ലിന്‍: പരിക്കു മാറി 11 മാസങ്ങള്‍ക്കു ശേഷമുള്ള തിരിച്ചെത്തല്‍ ഗംഭീരമാക്കി ജസ്പ്രിത് ബുമ്ര. നായകനായി പരമ്പര നേട്ടമാണ് ബുമ്ര ആഘോഷിച്ചത്. ഒപ്പം ഒരു അപൂര്‍വ നേട്ടവും അതിനു മാറ്റ് കൂട്ടുന്നു.
അയര്‍ലന്‍ഡിനെതിരായ രണ്ടാം ടി20 പോരാട്ടവും വിജയിച്ചാണ് ഇന്ത്യ പരമ്പര ഉറപ്പിച്ചത്. രണ്ട് മത്സരങ്ങളില്‍ നിന്നു നാല് വിക്കറ്റുകളാണ് ബുമ്ര വീഴ്ത്തിയത്. ആദ്യ പോരാട്ടത്തില്‍ നാലോവറില്‍ 24 റണ്‍സ് വഴങ്ങിയും രണ്ടാം പോരാട്ടത്തില്‍ നാലോവറില്‍ 15 റണ്‍സ് മാത്രം വിട്ടുകൊടുത്തുമാണ് ക്യാപ്റ്റന്‍ രണ്ട് വിക്കറ്റെടുത്തത്.
രണ്ടാം പോരില്‍ നാലോവറില്‍ ബുമ്ര ഒരു മെയ്ഡന്‍ ഓവര്‍ എറിഞ്ഞിരുന്നു. ഇതോടെ ടി20യില്‍ ഏറ്റവും കൂടുതല്‍ മെയ്ഡന്‍ ഓവര്‍ എറിഞ്ഞ താരങ്ങളുടെ പട്ടികയില്‍ ബുമ്ര രണ്ടാം സ്ഥാനത്തെത്തി. ഭുവനേശ്വര്‍ കുമാറും പത്ത് മെയ്ഡന്‍ ഓവറുകളുമായി ബുമ്രയ്‌ക്കൊപ്പമുണ്ട്. താരം മൂന്നാമതാണ്.
ഉഗാണ്ട സ്പിന്നര്‍ ഫ്രാങ്ക് എന്‍സുബുഗയാണ് പട്ടികയിലെ ഒന്നാമന്‍. താരം ടി20യില്‍ 15 മെയ്ഡന്‍ ഓവറുകള്‍ എറിഞ്ഞിട്ടുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
