പാരിസ്: 2024ലെ മികച്ച ഫുട്‌ബോള്‍ താരത്തിനുള്ള ബാല്ലണ്‍ ഡി ഓര്‍ പുരസ്‌കാരത്തിന്റെ പ്രാഥമിക പട്ടിക പുറത്തിറങ്ങി. 30 താരങ്ങളുടെ പട്ടികയാണ് പുറത്തു വന്നത്.
ഇടവേളയ്ക്ക് ശേഷം ഇതിഹാസ താരങ്ങളായ ലയണല്‍ മെസിയും ക്രിസ്റ്റ്യാനോ റൊണാള്‍ഡോയും പട്ടികയില്‍ ഇല്ല എന്നതാണ് ശ്രദ്ധേയം. 2003ന് ശേഷം ഇതാദ്യമായാണ് ഇരുവരും ഇല്ലാത്ത പട്ടിക വരുന്നത്. കഴിഞ്ഞ വര്‍ഷം ലയണല്‍ മെസിയാണ് അവാര്‍ഡ് സ്വന്തമാക്കിയത്. മെസി 8 തവണ ഈ പുരസ്‌കാരം നേടിയപ്പോള്‍ റൊണാള്‍ഡോ 5 തവണയാണ് നേട്ടം സ്വന്തമാക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
ഇത്തവണ റയല്‍ മാഡ്രിഡിന്റെ ഇംഗ്ലണ്ട് താരം ജൂഡ് ബെല്ലിങ്ഹാം, റയലിന്റെ തന്നെ ബ്രസീല്‍ താരം വിനിഷ്യസ് ജൂനിയര്‍, സ്പാനിഷ് താരം ഡാനി കാര്‍വഹാല്‍, പെഡ്രി, ഫ്രഞ്ച് താരം കിലിയന്‍ എംബാപ്പെ, ഇംഗ്ലണ്ടിന്റെ ബയേണ്‍ സ്‌ട്രൈക്കര്‍ ഹാരി കെയ്ന്‍, മാഞ്ചസ്റ്റര്‍ സിറ്റിയുടെ നോര്‍വെ താരം എര്‍ലിങ് ഹാളണ്ട് തുടങ്ങിയവരെല്ലാം പട്ടികയിലുണ്ട്.
സ്‌പെയിന്‍ സെന്‍സേഷന്‍ ലമീന്‍ യമാല്‍, ഇതിഹാസ ജര്‍മന്‍ മധ്യനിര താരവും സജീവ ഫുടേബോള്‍ മതായിക്കുകയും ചെയ്ത ടോണി ക്രൂസ് എന്നിവരും പട്ടികയിലുണ്ട്. മാറ്റ്‌സ് ഹമ്മല്‍സ്, നിക്കോ വില്ല്യംസ്, ഡാനി ഓല്‍മോ, ഫ്‌ളോറിയന്‍ വിയറ്റ്‌സ് എന്നിവരും പട്ടികയിലുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
