ഇന്‍ഡോര്‍: ഇന്ത്യക്കെതിരായ ഏകദിന പരമ്പരയിലെ രണ്ടാം മത്സരം അതിദയനീയമായി ഓസ്‌ട്രേലിയ അടിയറവ് വച്ചു. ഇന്ത്യ കൂറ്റന്‍ ലക്ഷ്യം മുന്നില്‍ വച്ചപ്പോള്‍ മഴയെ തുടര്‍ന്നു അവരുടെ ലക്ഷ്യം പുനര്‍നിര്‍ണയിച്ചിട്ടും ടീമിനു പിടിച്ചു നില്‍ക്കാന്‍ സാധിച്ചില്ല. വെറ്ററന്‍ ഓപ്പണര്‍ ഡേവിഡ് വാര്‍ണറാണ് തിളങ്ങിയ രണ്ട് താരങ്ങളില്‍ ഒരാള്‍.
മത്സരത്തിനിടെ വാര്‍ണറുടെ ബാറ്റിങും അതിനിടെയിലെ ചില രസകരമായ സംഭവുമാണ് ഇപ്പോള്‍ ആരാധകര്‍ ഏറ്റെടുത്തത്. ഇടം കൈയന്‍ ബാറ്ററായ വാര്‍ണര്‍ മികച്ച രീതിയില്‍ പന്തെറിഞ്ഞ അശ്വിനെതിരെ വലത് നിന്നു ബാറ്റ് വീശുന്നുണ്ട്. അങ്ങനെ നിന്നു താരം ഫോറും അടിക്കുന്നു.
ഇതു കണ്ട് ഡഗൗട്ടില്‍ ഇരുന്നു ഓസീസ് ക്യാപ്റ്റന്‍ പാറ്റ് കമ്മിന്‍സ് ചിരി നിര്‍ത്താന്‍ പാടുപെടുന്നതു വീഡിയോയില്‍ കാണാം. ഈ ദൃശ്യങ്ങളാണ് വൈറലായി മാറിയത്. കമ്മിന്‍സിനു ചിരി നിര്‍ത്താന്‍ സാധിക്കുന്നില്ല. കമ്മിന്‍സിന്റെ പിന്നിലിരിക്കുന്ന സ്റ്റീവ് സ്മിത്ത്, മാര്‍ക്കസ് സ്‌റ്റോയിനിസ് എന്നിവരടക്കമുള്ളവരെല്ലാം അമ്പരപ്പോടെ ചിരിയില്‍ പങ്കു ചേരുന്നു. പന്തെറിഞ്ഞ അശ്വിന്‍ പോലും വാര്‍ണറുടെ പെട്ടെന്നുള്ള മാറ്റം കണ്ടു ചിരിക്കുന്നുണ്ട്.
മത്സരത്തില്‍ 39 പന്തുകള്‍ നേരിട്ട് വാര്‍ണര്‍ ഏഴ് ഫോറും ഒരു സിക്‌സും സഹിതം 53 റണ്‍സെടുത്താണ് മടങ്ങിയത്. ഏകദിനത്തിലെ 30ാം അര്‍ധ സെഞ്ച്വറിയാണ് താരം ഇന്‍ഡോറില്‍ കുറിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
