കൊല്‍ക്കത്ത: വെസ്റ്റ് ഇന്‍ഡീസിനെതിരായ മൂന്നാം ടി20 പരമ്പരയ്ക്കിടെ പരിക്കേറ്റ് ഓവര്‍ പൂര്‍ത്തിയാക്കാതെ മടങ്ങിയ ദീപക് ചഹറിന് കൂടുതല്‍ മത്സരങ്ങള്‍ നഷ്ടമായേക്കും. വരാനിരിക്കുന്ന ശ്രീലങ്കക്കെതിരായ പരമ്പരയില്‍ താരത്തെ ഉള്‍പ്പെടുത്തിയിട്ടുണ്ട്. എന്നാല്‍ മത്സരിക്കാന്‍ ഇറങ്ങുമോ എന്ന കാര്യം ഉറപ്പായിട്ടില്ല.
വിന്‍ഡീസിനെതിരായ മൂന്നാം ടി20യില്‍ മികച്ച രീതിയില്‍ പന്തെറിഞ്ഞ് വരവേയാണ് താരത്തിന് പരിക്കേറ്റത്. പിന്തുട ഞരമ്പിനേറ്റ പരിക്കിനെ തുടര്‍ന്ന് ഓവര്‍ മുഴുമിപ്പിക്കാതെ ദീപക് ചഹര്‍ കളം വിടുകയായിരുന്നു. രണ്ട് വിക്കറ്റുകള്‍ ആ ഘട്ടത്തില്‍ താരം സ്വന്തമാക്കിയിരുന്നു.
ആറാഴ്ച വരെ താരത്തിന് വിശ്രമം വേണ്ടി വരുമെന്നാണ് പുറത്തു വരുന്ന വിവരങ്ങള്‍. വരാനിരിക്കുന്ന ഐപിഎല്‍ പോരാട്ടത്തിലെ ആദ്യ ഘട്ടത്തിലെ ചില മത്സരങ്ങളും താരത്തിന് നഷ്ടമായേക്കും.
ചെന്നൈ സൂപ്പര്‍ കിങ്‌സ് പൊന്നും വില കൊടുത്താണ് താരത്തെ തിരികെ ടീമിലെത്തിച്ചത്. 14 കോടിയ്ക്കാണ് ചെന്നൈ താരത്തെ സ്വന്തം പാളയത്തില്‍ തിരിച്ചെത്തിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
