ന്യൂഡല്ഹി: ഫിറ്റ്നസ് ടെസ്റ്റില് പരാജയപ്പെട്ടതോടെ സ്പിന്നര് വരുണ് ചക്രവര്ത്തിക്ക് ഇംഗ്ലണ്ടിനെതിരായ ടി20 നഷ്ടമായേക്കും. ഓസ്ട്രേലിയക്കെതിരായ ടി20 പരമ്പരയും പരിക്കിനെ തുടര്ന്ന് വരുണിന് നഷ്ടമായിരുന്നു.
യോ യോ ടെസ്റ്റും, 8.5 മിനിറ്റില് 2 കിമീ ഓട്ടം എന്ന കടമ്പയും വരുണ് ചക്രവര്ത്തിക്ക് കടക്കാനായില്ല. ഫിറ്റ്നസ് ടെസ്റ്റില് പരാജയപ്പെട്ടാല് ടീമിലേക്കായി പരിഗണിക്കില്ലെന്നതാണ് ബിസിസിഐ നയം.
വരുണിന്റെ കാര്യത്തില് ബിസിസിഐ അന്തിമ തീരുമാനം അറിയിച്ചിട്ടില്ല. തോളിനേറ്റ പരിക്കിനെ തുടര്ന്നാണ് ഓസ്ട്രേലിയന് പര്യടനം വരുണിന് നഷ്ടമായത്. നാഷണല് ക്രിക്കറ്റ് അക്കാദമിയില് ഫിറ്റ്നസ് വീണ്ടെടുക്കുന്നതിനായി മൂന്ന് മാസത്തോളം വരുണ് പരിശീലനം നടത്തിയിരുന്നു.
നിലവില് കൊല്ക്കത്ത നൈറ്റ്റൈഡേഴ്സ് ടീമിനൊപ്പം മുംബൈയില് പരിശീലനം നടത്തുകയാണ് വരുണ്. കഴിഞ്ഞ ഐപിഎല് സീസണില് പുറത്തെടുത്ത മികവാണ് വരുണിന് ഓസീസ് പര്യടനത്തില് സ്ഥാനം നേടിക്കൊടുത്തത്. എന്നാല് പരിക്ക് വില്ലനായതോടെ വരുണിന് പകരം ടി നടരാജന് ടീമിലേക്ക് എത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
