ലോകകപ്പ് ക്രിക്കറ്റ് പോലെയുള്ള വലിയ പോരാട്ടങ്ങള്‍ക്ക് ടീമുകള്‍ 15 അംഗങ്ങളെ വരെയാണ് കളിക്കാരായി ടീമില്‍ ഉള്‍പ്പെടുത്തുന്നത്. 11 പേരാണ് മൈതാനത്തിറങ്ങുക. ടീമിലെ ശേഷിക്കുന്ന നാല് പേര്‍ക്ക് ചിലപ്പോള്‍ അവസരം കിട്ടും, ചിലപ്പോള്‍ കിട്ടിയില്ല എന്നും വരാം. പക്ഷേ നേട്ടത്തില്‍ അവരുടെ പേരും ഉണ്ടാകും.
1983ല്‍ ഇന്ത്യ കന്നി ഏകദിന ലോകകപ്പ് നേടുമ്പോള്‍ ടീമിലുണ്ടായിരുന്ന മലയാളി താരമാണ് സുനില്‍ വാല്‍സന്‍. ആ ലോകകപ്പില്‍ ഒരു കളി പോലും കളിക്കാത്ത ടീമിലെ ഏക താരവും വാല്‍സന്‍ തന്നെ!
2007ല്‍ ഇന്ത്യ പ്രഥമ ടി20 ലോകകപ്പില്‍ മുത്തമിടുമ്പോള്‍ ടീമില്‍ അംഗമായിരുന്നു സ്പിന്നര്‍ പിയൂഷ് ചൗള. എന്നാല്‍ ഒരു കളി പോലും താരം കളിച്ചില്ല.
ഇക്കഴിഞ്ഞ ടി20 ലോകകപ്പില്‍ ഇടംപിടിച്ച മലയാളി താരം. ഒരു കളിയും പക്ഷേ സഞ്ജു കളിച്ചില്ല. ടീമിലെ രണ്ടാം വിക്കറ്റ് കീപ്പറായാണ് താരത്തെ ഉള്‍പ്പെടുത്തിയത്. അവസരം കിട്ടിയത് ഋഷഭ് പന്തിനായിരുന്നു.
ഇത്തവണ ഇന്ത്യയുടെ 15 അംഗ സംഘത്തില്‍ യശസ്വിയുമുണ്ടായിരുന്നു. എന്നാല്‍ കളിക്കാന്‍ അവസരം കിട്ടിയില്ല. ഓപ്പണറായാണ് താരത്തെ ഉള്‍പ്പെടുത്തിയത്. ടൂര്‍ണമെന്റില്‍ പക്ഷേ ക്യാപ്റ്റന്‍ രോഹിത് ശര്‍മയും സ്ഥാനക്കയറ്റം കിട്ടി വിരാട് കോഹ്‌ലിയുമാണ് സ്ഥിരമായി ഓപ്പണ്‍ ചെയ്തത്.
ഇത്തവണ ടീമിലുള്‍പ്പെട്ടെങ്കിലും ചഹലിനും കളിക്കാന്‍ അവസരം ലഭിച്ചില്ല. കുല്‍ദീപ് യാദവ്, രവീന്ദ്ര ജഡേജ, അക്ഷര്‍ പട്ടേല്‍ എന്നിവര്‍ക്കാണ് സ്പിന്നര്‍മാരായി അന്തിമ ഇലവനില്‍ അവസരം കിട്ടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
