റാവല്പിണ്ടി: പാകിസ്ഥാനിലെ റാവല്പിണ്ടി ക്രിക്കറ്റ് സ്റ്റേഡിയത്തിനു നേര്ക്ക് ഡ്രോണ് ആക്രമണം. ഇന്ന് പാകിസ്ഥാന് സൂപ്പര് ലീഗ് മത്സരം നടക്കാനിരിക്കെയാണ് സ്റ്റേഡിയത്തിനു നേര്ക്ക് ഡ്രോണ് ആക്രമണം. സംഭവത്തില് സ്റ്റേഡിയത്തിന്റെ ഒരു ഭാഗത്തിനു കേടുപാടുകള് സംഭവിച്ചിട്ടുണ്ട്. ആളപായമൊന്നും റിപ്പോര്ട്ട് ചെയ്തിട്ടില്ല.
ഇന്ന് പെഷവാര് സാല്മി- കറാച്ചി കിങ്സ് പോരാട്ടം അരങ്ങേറാനിരിക്കെയാണ് ആക്രമണം. ഡ്രോണ് ആക്രമണം സംബന്ധഝിച്ചു മറ്റു വിവരങ്ങളൊന്നും വന്നിട്ടില്ല. ഇന്ത്യ- പാകിസ്ഥാന് സംഘര്ഷം യുദ്ധ സമാന സാഹചര്യത്തില് തുടരുന്നതിനിടെയാണ് സംഭവം.
സംഭവത്തിനു പിന്നാലെ പാകിസ്ഥാന് ക്രിക്കറ്റ് ബോര്ഡ് അടിയന്തര യോഗം വിളിച്ചു. മത്സരം റാവല്പിണ്ടിയില് നിന്നു കറാച്ചിലേക്ക് മാറ്റിയതായും റിപ്പോര്ട്ടുകളുണ്ട്.
വിദേശ താരങ്ങളടക്കം നിരവധി ക്രിക്കറ്റ് താരങ്ങള് പിഎസ്എല്ലുമായി ബന്ധപ്പെട്ട് പാകിസ്ഥാനില് ഉണ്ടെന്നതിനാല് ആക്രമണത്തിന്റെ ഗൗരവം വര്ധിച്ചിട്ടുണ്ട്. ചില ഇംഗ്ലണ്ട് താരങ്ങള് പിഎസ്എല് ഉപേക്ഷിച്ച് നാട്ടിലേക്ക് മടങ്ങാന് ആലോചിക്കുന്നതായും റിപ്പോര്ട്ടുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
