10ാം മിനിറ്റിലെ ​ഗോൾ; റെക്കോർ‍ഡ് നേട്ടം സ്വന്തമാക്കി ഫ്ലോറിയന്‍ വിയെറ്റ്സ്

മ്യൂണിക്ക്: സ്വന്തം നാട്ടിൽ നടക്കുന്ന യൂറോ കപ്പിൽ ജർമനി വമ്പൻ ജയമാണ് ആഘോഷിച്ചത്. മത്സരത്തിന്റെ പത്താം മിനിറ്റിൽ തന്നെ ജർമനി ലീ‍ഡെടുത്തു. ഈ ​ഗോൾ നേടിയത് 21കാരൻ ഫ്ളോറിയൻ വിയെറ്റ്സായിരുന്നു. താരം അതോടെ ഒരു നേട്ടവും സ്വന്തം പേരിലാക്കി.

യൂറോ ചാമ്പ്യൻഷിപ്പ് ചരിത്രത്തിൽ ജർമനിയുടെ ആദ്യ മത്സരത്തിൽ ​ഗോൾ നേടുന്ന ഏറ്റവും പ്രായം കുറഞ്ഞ താരമെന്ന റെക്കോർഡാണ് വിയെറ്റ്സ് സ്വന്തമാക്കിയത്. 22 വയസുള്ളപ്പോൾ ​ഗോൾ നേടിയ ദേശീയ ടീമിലെ സഹ താരം കൂടിയായ കയ് ഹവെർട്സിന്റെ റെക്കോർഡാണ് വിയെറ്റ്സ് പഴങ്കഥയാക്കിയത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ബയർ ലെവർകൂസന്റെ ചരിത്രമെഴുതിയുള്ള ബുണ്ടസ് ലീ​ഗ കിരീട നേട്ടത്തിൽ ഈ യുവ താരത്തിന്റെ പങ്ക് നിർണായകമായിരുന്നു. ജമാൽ മുസിയാലയും വിയെറ്റ്സും ചേർന്ന സഖ്യം സ്കോട്ലൻഡിനു ആദ്യ പോരിൽ വലിയ ഭീഷണിയായിരുന്നു. 2021ലാണ് വിയെറ്റ്സ് ദേശീയ ടീമിലെത്തുന്നത്. 2020 മുതൽ ലെവർകൂസൻ താരമാണ് വിയെറ്റ്സ്.