ചുംബനം ചോദിച്ച് ആരാധകൻ വളഞ്ഞു; ആദ്യം പകച്ചു, ബസിൽ കയറി രക്ഷപ്പെട്ട് രോഹിത്ത്; വിഡിയോ

ചുംബനം ആവശ്യപ്പെട്ട ആരാധകനെ തള്ളിമാറ്റി രക്ഷപ്പെട്ട് രോഹിത് ശർമ്മ

രോഹിത് ശർമ്മയെ വളഞ്ഞ് ആരാധകൻ/ വിഡിയോ സ്ക്രീൻഷോട്ട്

Updated on:

21 May 2023, 3:54 pm

1 min read

മുംബൈ: കവിളിൽ ചുംബനം ആവശ്യപ്പെട്ട് വളഞ്ഞു പിടിച്ച ആരാധകനെ തള്ളിമാറ്റി ഇന്ത്യൻ ക്രിക്കറ്റ് ടീം ക്യാപ്‌റ്റൻ രോഹിത് ശർമ്മ. തിരക്കിനിടയിൽ നിന്നും മുന്നിൽ പ്രത്യക്ഷപ്പെട്ട ആരാധകൻ തടഞ്ഞു നിർത്തി തന്റെ കവിളിൽ ഒന്നു ചുംബിക്കാൻ ആവശ്യപ്പെടുകയായിരുന്നു.

ആദ്യം പകച്ചു നിന്ന രോഹിത്ത് പിന്നീട് ഇയാളെ തള്ളി മാറ്റി ബസിൽ കയറി രക്ഷപ്പെട്ടു. സംഭവത്തിന്റെ വിഡിയോ ഇപ്പോൾ സമൂഹമാധ്യമങ്ങിൽ വൈറലാണ്. എവിടെ നിന്നാണ് ഇയാൾ രോഹിത്തിനെ വളഞ്ഞതെന്ന് വ്യക്തമല്ല.

മുംബൈ ഇന്ത്യൻസ് ടീം ബസിൽ താരങ്ങൾ പുറത്തേക്കു പോയപ്പോഴാണ് സംഭവം. ഈ സീസണിൽ 14 മത്സരങ്ങളിൽ നിന്നായി 313 റൺസാണ് രോഹിത്ത് നേടിയത്. ഇന്ന് സൺറൈസേഴ്‌സിനെതിരെ നടന്ന മത്സരത്തിൽ മുംബൈ മികച്ച പ്രകടനം കാഴ്‍ചവെച്ചു. 31 പന്തിൽ രോഹിത്ത് 56 റൺസ് നേടി.