മോസ്‌ക്കോ: കളിക്കളത്തിന് പുറത്ത് രാജ്യങ്ങള്‍ തമ്മിലുള്ള കൊമ്പുകോര്‍ക്കലിലേക്ക് വരെ ഒരുപക്ഷേ നയിച്ചേക്കാവുന്ന ഗോള്‍ ആഘോഷത്തിന്റെ പേരില്‍ സ്വിസ് താരങ്ങള്‍ക്കെതിരെ നടപടി. സ്വിറ്റ്‌സര്‍ലാന്‍ഡിന്റെ ഷെര്‍ദാന്‍ ഷാക്കിരിയും ഗ്രാനിറ്റ് ഷാക്കയും അല്‍ബേനിയയുടെ ഇരട്ടത്തലയുള്ള പരുന്തിനെ കാണിച്ചായിരുന്നു സെര്‍ബിയയ്‌ക്കെതിരെ ഗോള്‍ ആഘോഷിച്ചത്. സംഭവം വിവാദമായതോടെ ഇരുവര്‍ക്കും രണ്ട് മത്സരങ്ങളില്‍ നിന്ന് ഫിഫ വിലക്കേര്‍പ്പെടുത്തി.
സ്വിസ് താരങ്ങളുടെ ആഘോഷങ്ങള്‍ ചൂണ്ടിക്കാട്ടി സെര്‍ബിയ ഫിഫയ്ക്ക് പരാതി നല്‍കിയിരുന്നു. രണ്ട് താരങ്ങളേയും രണ്ട് മത്സരങ്ങളില്‍ നിന്നും വിലക്കണമെന്ന ആവശ്യമാണ് സെര്‍ബിയ ഫിഫയ്ക്ക് മുന്‍പാകെ വെച്ചത്. ഇത് കണക്കിലെടുത്താണ് നടപടി.
സെര്‍ബിയയുടെ പരാതിയില്‍ രണ്ട് സ്വിസ് താരങ്ങള്‍ക്കെതിരേയും ഫിഫ അന്വേഷണം പ്രഖ്യാപിച്ചിരുന്നു. സെര്‍ബിയന്‍ ടീമിന്റെ കോച്ചിനെതിരേയും അന്വേഷണം നടത്തുമെന്ന് ഫിഫ വ്യക്തമാക്കിയിട്ടുണ്ട്. മത്സരം നടക്കുമ്പോള്‍ കളിക്കാര്‍ക്ക് അലോസരമുണ്ടാക്കുന്ന വിധത്തില്‍ ബഹളം വെച്ചതിനും സ്വിസ് താരങ്ങളെ രാഷ്ട്രീയമായി അധിക്ഷേപിച്ചതിനും എതിരെയാണ് അന്വേഷണം.
എതിര്‍ ടീമിനെ താരങ്ങള്‍ക്ക് എന്നോട് ദേഷ്യമാണ്. അതിനാലാണ് അത്തരം ആംഗ്യം കാണിച്ചതെന്നാണ് ഷാക്ക പ്രതികരിച്ചത്. എന്നാല്‍ ഗോള്‍ നേടിയതിന്റെ സന്തോഷപ്രകടനം മാത്രമായിരുന്നു അതെന്നാണ് ഷാക്കിരിയുടെ പ്രതികരണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
