മോസ്‌ക്കോ: ലോകം കാത്തിരിക്കുന്ന ക്ലാസിക്ക് പോരാട്ടത്തിന് അരങ്ങൊരുങ്ങി. ലോകകപ്പില്‍ അവശേഷിക്കുന്ന ലാറ്റിനമേരിക്കന്‍ രാജ്യമായ ബ്രസീലും യൂറോപ്യന്‍ പവര്‍ ഹൗസുകളായ ബെല്‍ജിയവും തമ്മിലുള്ള
ക്വാര്‍ട്ടര്‍ ഫൈനല്‍ പോരാട്ടത്തിന് രാത്രി 11.30ന് കിക്കോഫ്.
നിര്‍ണായക മാറ്റങ്ങള്‍ വരുത്തിയാണ് ബ്രസീലും ബെല്‍ജിയവും നേര്‍ക്കുനേര്‍ എത്തുന്നത്. ബ്രസീല്‍ നിരയില്‍ രണ്ട് മാറ്റങ്ങളാണ് ഉള്ളത്. സസ്‌പെന്‍ഷന്‍ നേരിടുന്ന കസമിറോയ്ക്ക് പകരം ഫെര്‍ണാണ്ടീഞ്ഞോ ആദ്യ ഇലവനില്‍ എത്തി. പരുക്കേറ്റ് അവസാന മത്സരത്തില്‍ പുറത്തിരുന്ന മാഴ്‌സലോ ആദ്യ ഇലവനില്‍ തിരിച്ചെത്തുകയും ചെയ്തു. ബെല്‍ജിയം ഒരു മാറ്റത്തോടെയാണ് കളത്തിലെത്തുന്നത്. കഴിഞ്ഞ മത്സരത്തില്‍ കളിയുടെ ഗതി ടീമിന് അനുകൂലമാക്കിയ ഫെല്ലയ്‌നി ആദ്യ ഇലവനില്‍ സ്ഥാനം നേടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
