ഇറ്റാലിയന് ക്ലബായ യുവന്റസില് ചേര്ന്നതിന് പിന്നാലെ വീണ്ടും ലോകത്തെ ഞെട്ടിച്ചിരിക്കുകയാണ് പോര്ച്ചുഗല് ഫുട്ബോള് ഇതിഹാസം ക്രിസ്റ്റിയാനോ റൊണാള്ഡോ. ഇത്തവണ ഹോട്ടല് ജീവനക്കാര്ക്ക് ഭീമമായ ടിപ്പ് നല്കിയാണ് റൊണാള്ഡോ വാര്ത്തകളില് ഇടംപിടിച്ചത്.
ഇരുപത്തിമൂന്നര ലക്ഷം രൂപയാണ് റോണോ ഗ്രീസിലെ പലപ്പനീസ് പ്രവിശ്യയിലുളള ആഢംബര ഹോട്ടലില് നല്കിയത്.ഏകദേശം 31, 500 ഡോളര് ടിപ്പായി നല്കിയ റൊണാള്ഡോ തുക ഹോട്ടലിലെ ജീവനക്കാര്ക്ക് തുല്യമായി വീതിച്ചു നല്കണമെന്നും നിര്ദ്ദേശിച്ചു. ജീവനക്കാരുടെ സേവനത്തില് സന്തുഷ്ടനായ ക്രിസ്റ്റ്യാന ഭീമമായ തുക ടിപ്പായി നല്കാന് തീരുമാനിക്കുകയായിരുന്നു.
റഷ്യന് ലോകകപ്പില് പോര്ച്ചുഗല് തോറ്റു പുറത്തായതിന് പിന്നാലെ അവധി ആഘോഷിക്കാനാണ് റൊണാള്ഡോ കുടുംബസമേതം ഗ്രീസിലെത്തിയത്.കുടുംബവുമൊന്നിച്ച് ഹോട്ടലില് ഭക്ഷണത്തിനിരിക്കുന്ന ഫോട്ടോ ഇന്സ്റ്റഗ്രാമില് റൊണാള്ഡോ പോസ്റ്റ് ചെയ്തിട്ടുണ്ട്.ഈ ഹോട്ടല് കേന്ദ്രീകരിച്ചാണ് റൊണാള്ഡോയുടെ ട്രാന്സ്ഫര് ചര്ച്ചകള് നടന്നതെന്നും റിപ്പോര്ട്ടുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
