ബെര്‍ലിന്‍: പോളണ്ടിന്റെ ദേശീയ ഫുട്‌ബോള്‍ ടീം പരിശീലക സ്ഥാനത്ത് നിന്ന് ആദം നവല്‍ക രാജിവച്ചു. ലോകകപ്പിന്റെ ആദ്യ റൗണ്ടില്‍ തന്നെ പോളണ്ട് ടീം പുറത്തായതിനെ തുടര്‍ന്നാണ് രാജി. നവല്‍കയുടെ രാജി പോളിഷ് ഫുട്‌ബോള്‍ അസോസിയേഷന്‍ സ്ഥിരീകരിച്ചിട്ടുണ്ട്.
അതേസമയം ലോകകപ്പ് നിലനിര്‍ത്താനെത്തി ആദ്യ റൗണ്ടില്‍ തന്നെ നാണംകെട്ട് പുറത്തായെങ്കിലും ലോക ചാംപ്യന്‍മാരായ ജര്‍മനി പരിശീലകന്‍ ജോക്വിം ലോയെ നിലനിര്‍ത്തിയിട്ടുണ്ട്. കരാര്‍ കാലാവധിയായ 2022 വരെ ലോ തുടരുമെന്ന് ജര്‍മന്‍ ഫുട്‌ബോള്‍ അസോസിയേഷന്‍ വ്യക്തമാക്കി. 2006ലാണ് ലോ ജര്‍മന്‍ ടീമിന്റെ പരിശീലക സ്ഥാനത്തെത്തുന്നത്. കഴിഞ്ഞ തവണ ബ്രസീലില്‍ അരങ്ങേറിയ ലോകകപ്പില്‍ ജര്‍മന്‍ ടീമിനെ കിരീടത്തിലേക്ക് നയിക്കാന്‍ ലോവിന് സാധിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
