എംബാപ്പെയെ അര്ജന്റീനിയന് ആരാധകര് മറക്കാനിടയില്ല. തുടരെ തുടരെ എംബാപ്പെ പാഞ്ഞപ്പോള് നെഞ്ചു തകര്ന്നായിരുന്നു അവര് അര്ജന്റീന-ഫ്രാന്സ് പ്രീക്വാര്ട്ടര് മത്സരം കണ്ടത്. പക്ഷേ അര്ജന്റീനിയന് വധത്തില് എംബാപ്പെയല്ല യഥാര്ഥ ഉത്തരവാദി. കളിക്ക് മുന്പ് അവരെ ഉണര്ത്തിയത് പോഗ്ബെയായിരുന്നു..
മെസി ഉണ്ടെങ്കിലും ഇല്ലെങ്കിലും, നമ്മള് ഇന്ന് അവരെ വധിക്കും, കളിക്കിറങ്ങും മുന്പ് എംബാപ്പെ ഫ്രാന്സ് താരങ്ങളോട് പറഞ്ഞതങ്ങിനെയായിരുന്നു എന്നാണ് ടിഎഫ്1 പുറത്തുവിട്ട ഡോക്യുമെന്ററിയിലെ ഒരു രംഗത്തില് പറയുന്നത്. പോരാളികളെയാണ് എനിക്ക് കളിക്കളത്തില് കാണേണ്ടത്.
എനിക്ക് വീട്ടിലേക്ക് മടങ്ങേണ്ട. സന്തോഷത്തോടെ നമ്മള് അവസാനിപ്പിക്കും. ഈ രാത്രി എനിക്ക് ആഘോഷിക്കണം. കളിക്കളത്തില് ഒരുമിച്ച് നമുക്ക് മരിച്ച് കളിക്കണം. ഇന്ന് നമ്മളവരെ വധിക്കും, മെസി ഉണ്ടെങ്കിലും ഇല്ലെങ്കിലും പ്രശ്നമല്ല. ലോക കപ്പ് ജയിക്കുന്നതിനാണ് നമ്മള് എത്തിയിരിക്കുന്നത്, ഫ്രാന്സ് താരങ്ങളോട് പോഗ്ബെ പറഞ്ഞു.
നമ്മള് തിരിഞ്ഞു നോക്കില്ല. നമ്മള് മുന്നോട്ടു പോകും. ജൂലൈ 15ന് നമുക്ക് കാണാം. ഏറ്റവും മികച്ചതിനെ തോല്പ്പിച്ചെ നമുക്ക് മികച്ചതാവാനാകു എന്നും താരങ്ങളെ പോഗ്ബ ഓര്മിപ്പിക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
