ഇത്തവണ ലോകകപ്പില് കളിക്കുന്ന 32ല് 31 ടീമുകളും എതിര് ടീമിന്റെ ബോക്സില് ഒരു തവണയെങ്കിലും പന്തെത്തിച്ചിരിക്കുന്നു. ആസ്ത്രേലിയക്കെതിരായ അവസാന പോരാട്ടത്തില് രണ്ട് ഗോള് നേടി പെറു വിജയം സ്വന്തമാക്കിയതോടെയാണ് 30 ടീമുകളുടെ പട്ടിക 31ല് തൊട്ടത്. ഈ പട്ടികയില് പെടാത്ത ഏക ടീം കോസ്റ്ററിക്ക മാത്രമാണ്. ഗ്രൂപ്പില് ഒരു മത്സരം കൂടി ശേഷിക്കേ അവരും ആ കടമ്പ പിന്നിടുമെന്ന് പ്രതീക്ഷിക്കാം.
ഇതുവരെ 98 ഗോളുകളാണ് പിറന്നത്. എട്ട് ഗോളുകള് വീതമടിച്ച റഷ്യ, ബെല്ജിയം, ഇംഗ്ലണ്ട് ടീമുകളാണ് നിലവില് ഇക്കാര്യത്തില് മുന്നിലുള്ളത്. അര്ജന്റീന, പോളണ്ട്, പാനമ, കൊറിയ, പെറു ടീമുകള് ഒരൊറ്റ ഗോള് മാത്രമാണ് നേടിയത്. ഇതുവരെയുള്ള മത്സരങ്ങളില് ഒരു ടീമെങ്കിലും സ്കോര് ചെയ്തിരുന്നു. എന്നാല് ഇന്ന് നടന്ന ഫ്രാന്സ്- ഡെന്മാര്ക് മത്സരത്തില് ഒരു ഗോള് പോലും പിറന്നില്ല. റഷ്യയിലെ ആദ്യ ഗോള്രഹിത സമനിലയ്ക്കും ആരാധകര് ഇന്ന് സാക്ഷ്യം വഹിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
