റഷ്യയില്‍ ഗ്രൂപ്പ് ഘട്ട മത്സരങ്ങള്‍ രണ്ടാം റൗണ്ടിലേക്ക് കടക്കുമ്പോള്‍ ഫൈനലിസ്റ്റുകളെ പ്രവചിക്കുകയാണ് ഇംഗ്ലണ്ട് മുന്‍ താരം ഡേവിഡ് ബെക്കാം. ഫൈനലില്‍ അര്‍ജന്റീനയും ഇംഗ്ലണ്ടുമായിരിക്കും കൊമ്പുകോര്‍ക്കുക എന്നാണ് ബെക്കാമിന്റെ കണക്കു കൂട്ടല്‍.
2006ല്‍ ബെക്കാം നായകനായിരുന്നപ്പോഴായിരുന്നു ഇംഗ്ലണ്ട് അവസാനമായി ക്വാര്‍ട്ടര്‍ ഫൈനലിലെത്തിയത്. 1966ല്‍ കിരീടം ചൂടിയ ആ ഒരു വര്‍ഷം മാത്രമാണ് ഇംഗ്ലണ്ട് ലോക കപ്പിന്റെ ഫൈനലില്‍ കടന്നത്. റഷ്യയില്‍ അര്‍ജന്റീനയെ തോല്‍പ്പിച്ച് ഇംഗ്ലണ്ട് കിരീടം ചൂടുമെന്നാണ് എന്റെ അഭിപ്രായം. പക്ഷേ അത് എന്റെ രാജ്യത്തോടുള്ള താത്പര്യ കൂടുതല്‍ കൊണ്ട് എനിക്കുണ്ടാകുന്ന തോന്നലാകുമെന്നും ബെക്കാം പറയുന്നു.
യുവ താരങ്ങളുമായിട്ടാണ് ഇംഗ്ലണ്ട് വരുന്നത്. ടൂര്‍ണമെന്റില്‍ പോക പോകെ അവര്‍ക്ക് ബുദ്ധിമുട്ട് കൂടി വരും. പക്ഷേ ഫൈനലില്‍ ഹാരി കെയ്‌നും, മെസിയും തമ്മിലുള്ള ഏറ്റുമുട്ടലിനാകും ലോകം സാക്ഷിയാവുക. ലോക കപ്പിലെ തങ്ങളുടെ ആദ്യ കളിയില്‍ ടുണീഷ്യയെ ഒന്നിനെതിരെ രണ്ട് ഗോളുകള്‍ക്ക് ഇംഗ്ലണ്ട് തോല്‍പ്പിച്ചിരുന്നു. ഈ തുടക്കം ഇംഗ്ലണ്ടിന് വലിയ ഊര്‍ജമാണ് നല്‍കുന്നതെന്നും ബെക്കാം ചൂണ്ടിക്കാണിക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
