മോസ്‌ക്കോ: ലോകകപ്പില്‍ ജര്‍മനി കപ്പടിച്ചാലും ഇല്ലെങ്കിലും പരിശീലകന്‍ ജോക്വിം ലോ ഒട്ടും വേവാലാതിപ്പെടേണ്ടതില്ല. നിലവിലുള്ള കരാര്‍ തീരുന്നതുവരെ ലോയെ ജര്‍മനി നിലനിര്‍ത്തും. 12 വര്‍ഷത്തെ പരിശീലക സേവനം പൂര്‍ത്തിയാക്കിയ ലോയുടെ കരാര്‍ കഴിഞ്ഞ മാസം ജര്‍മന്‍ ഫുട്‌ബോള്‍ അസോസിയേഷന്‍ നീട്ടി നല്‍കിയിരുന്നു. നിലവില്‍ 2022വരെ ലോ തുടരും. കഴിഞ്ഞ ദിവസം സ്വീഡനെ കീഴടക്കി ജര്‍മനി ഈ ലോകകപ്പിലെ ആദ്യ വിജയം കുറിച്ചത് ജോക്വിം ലോ ടീമില്‍ വരുത്തിയ മാറ്റത്തിന്റെ കൂടി ഫലമായിരുന്നു.
ലോയെപ്പോലെ ടീമിനെ വിദഗ്ധമായി പരിശീലിപ്പിക്കാന്‍ കെല്‍പ്പുള്ള ഒരു കോച്ചിനെ ലഭിക്കുക എളുപ്പമല്ല. ഒരു വര്‍ഷം മുന്‍പ് യുവ താരങ്ങളെ വച്ച് കകോണ്‍ഫെഡറേഷന്‍സ് കപ്പ് കിരീടം ജര്‍മനിക്ക് സമ്മാനിക്കാന്‍ ലോയ്ക്ക് സാധിച്ചിരുന്നു. അതിലൂടെ അദ്ദേഹം ഏത് തലമുറയിലുള്ള താരങ്ങളെ വച്ചും കപ്പടിപ്പിക്കാമെന്ന് തെളിയിച്ചു. ജര്‍മന്‍ ഫുട്‌ബോള്‍ അധികൃതര്‍ വ്യക്തമാക്കി.
ലോകകപ്പിലെ വിധി നിര്‍ണായക പോരാട്ടത്തിനായി ലോക ചാംപ്യന്‍മാര്‍ ദക്ഷിണ കൊറിയയെ നേരിടാനിറങ്ങും മുന്‍പാണ് ജര്‍മന്‍ അധികൃതരുടെ പ്രസ്താവന പുറത്തുവന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
