ന്യൂഡല്ഹി: മുന് ഇന്ത്യന് ക്രിക്കറ്റ് താരം ശിഖര് ധവാനും അയര്ലന്ഡ് സ്വദേശിനിയായ സോഫി ഷൈനും വിവാഹിതരായി. 2025 മെയ് മാസത്തില് ധവാന് തങ്ങളുടെ ബന്ധത്തെക്കുറിച്ച് പരസ്യമായി വെളിപ്പെടുത്തിയിരുന്നു. ജനുവരിയിലാണ് ഇരുവരും തമ്മിലുള്ള വിവാഹനിശ്ചയം നടന്നത്. താരം തന്നെയാണ് ഇന്സ്റ്റഗ്രാമിലൂടെ ഇക്കാര്യം അറിയിച്ചത്.
ഇപ്പോഴിതാ ഇരുവരുടെയും പ്രീ-വെഡ്ഡിങ് ആഘോഷങ്ങളില് നിന്നുള്ള ദൃശ്യങ്ങള് സോഷ്യല് മീഡിയയില് പ്രചരിക്കുകയാണ്. സൂപ്പര്ഹിറ്റ് ബോളിവുഡ് ചിത്രമായ ധുരന്ധറിലെ 'ഷരാരത്' എന്ന ഗാനത്തിനാണ് ഇരുവരും ചുവടുവെച്ചത്. സംഗീതിനെത്തിയ അതിഥികള് പകര്ത്തി സോഷ്യല് മീഡിയയില് പങ്കുവെച്ച ദൃശ്യങ്ങളാണ് വൈറലായത്.
ഒട്ടേറെ പേരാണ് ഇരുവര്ക്കും ആശംസകള് നേര്ന്ന് രംഗത്തെത്തിയത്. ശിഖര് ധവാന്റെ രണ്ടാം വിവാഹമാണ് ഇത്. ഓസ്ട്രേലിയയിലെ മെല്ബണില് നിന്നുള്ള കിക്ക് ബോക്സറായ ആയേഷ മുഖര്ജിയാണ് ധവാന്റെ ആദ്യഭാര്യ. 2012-ല് വിവാഹിതരായ ഇരുവരും 2023-ലാണ് വിവാഹമോചിതരായത്. ഇരുവര്ക്കും ഒരു മകനുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
