മുൻ ഫുട്‌ബോള്‍ താരം പാപ്പ ബൂപ്പ ദിയൂപ് അന്തരിച്ചു; വിടപറഞ്ഞത് സെന​ഗലിന്റെ 'വേൾഡ്കപ്പ് ഹീറോ'

സെനഗല്‍ മുൻ ഫുട്‌ബോള്‍ താരം പാപ്പ ബൂപ്പ ദിയൂപ് (42) അന്തരിച്ചു. ദീര്‍ഘനാളായി രോഗബാധിതനായിരുന്നു. 

സെനഗലിന് വേണ്ടി 60ലേറെ മത്സരങ്ങൾ കളിച്ച അദ്ദേ​ഹം ഇംഗ്ലീഷ് പ്രീമിയര്‍ ലീഗില്‍ ഫുള്‍ഹാം, വെസ്റ്റ് ഹാം, പോര്‍ട്സ്മൗത്ത് ടീമുകളുടെ താരമായിരുന്നു. ഇംഗ്ലണ്ടിലും ഫ്രാന്‍സിലും ഗ്രീസിലും സ്വിറ്റ്സര്‍ലന്‍ഡിലും വിവിധ ലീഗുകളില്‍ കളിച്ചിട്ടുണ്ട് ദിയൂപ്പ്. 

2002ൽ ജപ്പാനിൽ നടന്ന ഫുട്ബോള്‍ ലോകകപ്പില്‍ ചാമ്പ്യന്‍മാരുടെ പകിട്ടുമായി എത്തിയ ഫ്രാന്‍സിനെ സെനഗല്‍ 1-0 ന് തോല്‍പ്പിച്ചിരുന്നു. സെനഗല്‍ ടീമിന്‍റെ വിജയഗോള്‍ നേടിയത് അന്ന് പാപ്പ ബൂപ്പ ദിയൂപ്പാണ്.