പാരിസ്: ടെന്നീസിന്റെ ഇക്കാലമത്രയുമുള്ള ചരിത്രം മാറ്റിയെഴുതാന്‍ സെര്‍ബിയന്‍ ഇതിഹാസം നൊവാക് ജോക്കോവിചിനു (Novak Djokovic) വേണ്ടത് രണ്ട് ജയങ്ങള്‍ മാത്രം. ഫ്രഞ്ച് ഓപ്പണ്‍ ടെന്നീസ് പുരുഷ സിംഗിള്‍സില്‍ ജോക്കോ സെമിയിലേക്ക് മുന്നേറി. സെമിയില്‍ മിന്നും ഫോമിലുള്ള യാന്നിക്ക് സിന്നറാണ് ജോക്കോയുടെ എതിരാളി.
ക്വാര്‍ട്ടറില്‍ ജര്‍മനിയുടെ അലക്‌സാണ്ടര്‍ സ്വരേവിനെ വീഴ്ത്തിയാണ് സെര്‍ബിയന്‍ ഇതിഹാസത്തിന്റെ മുന്നേറ്റം. ആദ്യ സെറ്റ് കൈവിട്ട ശേഷം തുടരെ മൂന്ന് സെറ്റുകള്‍ നേടിയാണ് താരം സെമി ഉറപ്പിച്ചത്. സ്‌കോര്‍: 4-6, 6-3, 6-2, 6-4.
കരിയറിലെ 101ാം ഫ്രഞ്ച് ഓപ്പണ്‍ ജയമാണ് ജോക്കോ സ്വന്തമാക്കിയത്. 25 ഗ്രാന്‍ഡ് സ്ലാം സിംഗിള്‍സ് കിരീടമെന്ന, ടെന്നീസ് ചരിത്രത്തില്‍ ഒരു പുരുഷ, വനിതാ താരങ്ങള്‍ക്കുമില്ലാത്ത നേട്ടത്തിലേക്ക് ഇനി രണ്ട് ജയങ്ങള്‍ മാത്രമാണ് അദ്ദേഹത്തിനു വേണ്ടത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
