'ജീവിതത്തിൽ ഒരുപാട് ഷോർട്ട് ബോളുകൾ നേരിട്ടിട്ടുണ്ട്'; ഇന്ത്യൻ പേസർമാർക്ക് സ്മിത്തിന്റെ മുന്നറിയിപ്പ്

സിഡ്നി: 2018-19ലെ ഓസ്ട്രേലിയൻ പര്യടനത്തിലായി ഇന്ത്യയുടെ മൂന്ന് പേസർമാർ നാല് ടെസ്റ്റുകളിൽ നിന്ന് പിഴുതത് 51 വിക്കറ്റാണ്. എട്ടിൽ ഏഴ് തവണയും ആതിഥേയരെ ഇന്ത്യൻ ബൗളർമാർ ഓൾഔട്ടാക്കി. എന്നാൽ ഈ വർഷം ഓസീസ് നിരയിൽ സ്മിത്തുണ്ട്. ഇന്ത്യൻ പേസർമാരും ഷോർട്ട് ബോളുകളിലൂടെ തന്നെയാവും തന്നെ ആക്രമിക്കാൻ ശ്രമിക്കുക എന്നാണ് സ്മിത്ത് പറയുന്നത്. 

2019-20ൽ ന്യൂസിലാൻഡ് ഓസ്ട്രേലിയയിലേക്ക് വന്നപ്പോൾ വാ​ഗ്നറാണ് ഷോർട്ട് ബോളുകളുമായി സ്മിത്തിനെ ഏറെ അലോസരപ്പെടുത്തിയത്. അന്ന് നാല് വട്ടം സ്മിത്തിന്റെ വിക്കറ്റ് വീഴ്ത്താൻ വാ​ഗ്നർക്ക് സാധിച്ചു. എന്നാൽ വാ​ഗ്നർ ചെയ്തത് പോലെ എനിക്ക് എതിരെ കളിക്കാനുള്ള മറ്റ് ടീമുകളുടെ പദ്ധതി പലപ്പോഴും ഫലം കണ്ടിട്ടില്ലെന്ന് സ്മിത്ത് പറയുന്നു. സാഹചര്യങ്ങൾക്ക് അനുസരിച്ച്, അവർ എന്നെ പുറത്താക്കാൻ ശ്രമിക്കുന്നതിനെ പ്രതിരോധിച്ച് കളിക്കുകയാണ് ഞാൻ ചെയ്യുക. വാ​ഗ്നറിന്റെ കഴിവ് അതിശയിപ്പിക്കുന്നത്. സ്പീഡ് കൂട്ടിയും കുറച്ചും വാ​ഗ്നർ വരും...

എന്റെ ജീവിതത്തിൽ ഞാൻ ഒരുപാട് ഷോർട്ട് ബോളുകൾ നേരിട്ടിട്ടുണ്ട്. അത് എനിക്ക് കൂടുതൽ സ്ട്രെസ് നൽകിയിട്ടില്ല. നമുക്ക് കാത്തിരുന്ന് കാണാം എന്നും സ്മിത്ത് പറഞ്ഞു. ന്യൂസിലാൻഡ് പേസർ വാ​ഗ്നർക്ക് മുൻപിൽ വാർണർ, സ്മിത്ത്, ലാബുഷെയ്ൻ എന്നിവർ മുട്ടുമടക്കിയിരുന്നു. ബൂമ്ര, മുഹമ്മദ് ഷമി, ഇഷാന്ത് ശർമ എന്നീ പേസർമാരുമായാണ് ഇന്ത്യ വീണ്ടും ഓസീസ് മണ്ണിൽ എത്തിയിരിക്കുന്നത്. ഡിസംബർ 17ന് അഡ്ലെയ്ഡിലാണ് ആദ്യ ടെസ്റ്റ്.