ലാഹോര്‍: പാകിസ്ഥാന്‍ സൂപ്പര്‍ ലീഗ് മത്സരത്തിനിടയില്‍ തന്റെ ഹെയര്‍സ്റ്റൈലില്‍ അഭിപ്രായം പറഞ്ഞ കമന്റേറ്ററിനെതിരെ പേസര്‍ ഡെയ്ല്‍ സ്റ്റെയിന്‍. തനിക്ക് മിഡ് ലൈഫ് ക്രൈസിസ് ആണെന്ന് പറഞ്ഞ കമന്റേറ്റര്‍ ആരാണെന്നും, കളിയെ കുറിച്ച് സംസാരിക്കാന്‍ വന്നാല്‍ അത് മാത്രം ചെയ്യണമെന്നും സ്റ്റെയിന്‍ പറഞ്ഞു.
കമന്ററി പറയുന്ന സമയം മറ്റൊരാളുടെ ഭാരം, ലൈംഗീക താത്പര്യങ്ങള്‍, വംശീയത, ജീവിത ശൈലി എന്നിവയെ കുറിച്ച് പറഞ്ഞ് അധിക്ഷേപിക്കാന്‍ ശ്രമിച്ചാല്‍, മനുഷ്യനായിട്ട് ഇതിന് മറുപടി പറയാനാവില്ല, സ്റ്റെയിന്‍ ട്വിറ്ററില്‍ കുറിച്ചു.
പിഎസ്എല്ലിലെ ഗ്ലാഡിയേറ്റേഴ്‌സും പെഷ് വാര്‍ സല്‍മിയും തമ്മിലുള്ള മത്സരത്തിന് ഇടയില്‍ സൈമണ്‍ ഡൗളില്‍ നിന്നാണ് വിവാദ പരാമര്‍ശമുണ്ടായത്. പാകിസ്ഥാന്‍ സൂപ്പര്‍ ലീഗില്‍ പുതിയ ഹെയര്‍സ്റ്റൈലുമായാണ് സ്റ്റെയിന്‍ എത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
