എപ്പോഴും ഈ കളിയിൽ കോഹ്ലി എന്നോട് തോൽക്കും; ശുഭ്മാൻ ​ഗില്ലിന്റെ വെളിപ്പെടുത്തൽ

ന്യൂഡൽഹി: രാജ്യാന്തര ക്രിക്കറ്റിൽ പിച്ചവെച്ച് തുടങ്ങിയിരിക്കുകയാണ് ഇന്ത്യയുടെ യുവതാരം ശുഭ്മാൻ ​ഗിൽ. ആ ലെവലിൽ സ്ഥാനം ഉറപ്പിക്കാൻ പോന്ന താരമാണെന്ന് ഓസ്ട്രേലിയയിലെ തന്റെ അരങ്ങേറ്റ പരമ്പരയിൽ തന്നെ ശുഭ്​മാൻ ​ഗിൽ തെളിയിച്ചിരുന്നു. കരിയറിന്റെ ആദ്യ നാളുകളിൽ നിൽക്കുന്ന ​ഗിൽ പറയുന്നത് ഒരു കളിയിൽ ക്യാപ്റ്റൻ വിരാട് കോഹ്ലി താൻ സ്ഥിരമായി തോൽപ്പിക്കുന്നു എന്നാണ്. 

ഇന്ത്യൻ ക്യാപ്റ്റൻ വിരാട് കോഹ് ലിയെ പഠിപ്പിക്കാൻ ആ​ഗ്രഹിക്കുന്നത് എന്താണെന്നായിരുന്നു ​ഗില്ലിനോടുള്ള ചോദ്യം. ഫിഫ വീഡിയോ ​ഗെയിം എന്നായിരുന്നു ​ഗില്ലിന്റെ മറുപടി. എല്ലായ്പ്പോഴും കോഹ് ലി എന്നോട് അതിൽ തോൽക്കും, ​ഗിൽ പറഞ്ഞു. ഇഎസ്പിഎൻക്രിക് ഇൻഫോയ്ക്ക് നൽകിയ അഭിമുഖത്തിലായിരുന്നു ​ഗില്ലിന്റെ പ്രതികരണം. 

വീഡിയോ ​ഗെയിമുകളുടെ വലിയ ആരാധകനാണ് കോഹ് ലി. ​ഗില്ലിന്റെ പ്രതികരണത്തോടെ കോഹ് ലിയുടെ പ്രതികരണം എന്താവും എന്ന ആകാംക്ഷയിലാണ് ആരാധകർ. കളിയിലേക്ക് എത്തുമ്പോൾ കോഹ് ലിയും ​ഗില്ലും അവസാനമായി കളിച്ചത്. ​ഗില്ലിന് സീ സണിൽ ഒരിക്കൽ പോലും മികവിലേക്ക് എത്താൻ സാധിച്ചിരുന്നില്ല. 

കൊൽക്കത്തക്ക് വേണ്ടി കളിച്ച 7 ഇന്നിങ്സിൽ നിന്ന് 132 റൺസ് മാത്രമാണ് ​ഗില്ലിന്റെ സമ്പാദ്യം. എന്നാൽ കോഹ് ലി ഈ സീസണിലും ഭേദപ്പെട്ട കളിയുമായാണ് നിറയുന്നത്. 7 കളിയിൽ നിന്ന് ബാം​ഗ്ലൂരിന് വേണ്ടി കോഹ് ലി കണ്ടെത്തിയത് 198 റൺസ്.