കൊളംബോ: പാകിസ്ഥാനെതിരായ ഏഷ്യാ കപ്പ് സൂപ്പര്‍ ഫോര്‍ പോരാട്ടം വന്‍ മാര്‍ജിനില്‍ ജയിച്ചത് ഇന്ത്യക്ക് ഗുണകരമാകും. ജയത്തോടൊപ്പം മികച്ച നെറ്റ് റണ്‍ റേറ്റും ഇന്ത്യക്കുണ്ട്. ഇന്ന് ശ്രീലങ്കക്കെതിരായ പോരാട്ടം വിജയിച്ചാല്‍ ഇന്ത്യക്ക് ഏതാണ്ട് ഫൈനല്‍ ഉറപ്പിക്കാം. ഇന്ന് തോല്‍ക്കുകയും ബംഗ്ലാദേശിനോടു അടുത്ത മത്സരം വിജയിക്കുകയും ചെയ്താല്‍ ശ്രീലങ്ക, പാകിസ്ഥാന് ടീമുകളുടെ ഫലവും നിര്‍ണായകമാകും.
ഫൈനല്‍ സാധ്യതകള്‍
ഏഷ്യാ കപ്പിലെ ഇന്ത്യയുടെ ഫൈനല്‍ സാധ്യതകള്‍ നിലവില്‍ മലര്‍ക്കെ തുറന്നു കിടപ്പുണ്ട്. ഇന്ന് ശ്രീലങ്കയെ തകര്‍ത്താല്‍ രോഹിതിനും സംഘത്തിനും ഫൈനല്‍ ഉറപ്പിക്കാം. ശ്രീലങ്കക്കെതിരെ ജയിച്ചാല്‍ ഇന്ത്യക്ക് രണ്ട് സൂപ്പര്‍ ഫോര്‍ മത്സരങ്ങളില്‍ നിന്നു നാല് പോയിന്റാകും.
നിലവില്‍ പാകിസ്ഥാനും ശ്രീലങ്കയും ബംഗ്ലാദേശിനെ വീഴ്ത്തി രണ്ട് പോയിന്റ് സ്വന്തമാക്കിയിട്ടുണ്ട്. ഇന്ത്യക്കെതിരായ മത്സരം ശ്രീലങ്ക തോറ്റാല്‍ ശ്രീലങ്കയും പാകിസ്ഥാനും തമ്മിലുള്ള മത്സരം നിര്‍ണാകമാകും. ഇതില്‍ ആര് വിജയിക്കുന്നോ അവര്‍ ഫൈനലില്‍ ഇന്ത്യയെ നേരിടും.
ഇന്നത്തെ മത്സരത്തില്‍ ഇന്ത്യ പരാജയപ്പെടുകയും ബംഗ്ലാദേശിനോടു ഇന്ത്യ വിജയിക്കുകയും ചെയ്താല്‍ ഇന്ത്യക്ക് മൂന്ന് കളികളില്‍ നിന്നു നാല് പോയിന്റ്. പാകിസ്ഥാന്- ശ്രീലങ്ക പോരില്‍ പാകിസ്ഥാന് ജയിച്ചാല്‍ ഇന്ത്യ, പാക്, ലങ്ക ടീമുകള്‍ക്ക് നാല് പോയിന്റുകള്‍ വീതം. മികച്ച നെറ്റ് റണ്‍ റേറ്റുള്ള രണ്ട് ടീമുകള്‍ അപ്പോള്‍ ഫൈനലില്‍ ഏറ്റുമുട്ടും.
ഇന്ത്യ ബംഗ്ലാദേശിനോടും പാകിസ്ഥാന് ശ്രീലങ്കയോടും പരാജയപ്പെട്ടാല്‍ ഇന്ത്യ, പാകിസ്ഥാന്, ബംഗ്ലാദേശ് ടീമുകള്‍ക്ക് രണ്ട് പോയിന്റായിരിക്കും. അപ്പോഴും നെറ്റ് റണ്‍റേറ്റ് നിര്‍ണാകമാകും.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
