ദുബൈ: ഐസിസിയുടെ ഏറ്റവും പുതിയ വനിതാ ടി20 റാങ്കിങില് നേട്ടമുണ്ടാക്കി ഇന്ത്യന് ഓള് റൗണ്ടര് ദീപ്തി ശര്മ. താരം ബൗളര്മാരുടെ പട്ടികയില് ഒന്നാം റാങ്കില്. കരിയറില് ഇതാദ്യമായാണ് താരം ഒന്നാം സ്ഥാനത്തെത്തുന്നത്.
അതേസമയം വനിതകളുടെ ഏകദിന ബാറ്റിങ് റാങ്കിങില് ഇന്ത്യയുടെ സ്മൃതി മന്ധാനയ്ക്ക് ഒന്നാം സ്ഥാനം നഷ്ടമായി. ദക്ഷിണാഫ്രിക്ക ക്യാപ്റ്റന് ലോറ വോള്വാര്ടാണ് പുതിയ ഒന്നാം സ്ഥാനക്കാരി. സ്മൃതി രണ്ടാം സ്ഥാനത്തേക്കിറങ്ങി.
ശ്രീലങ്കക്കെതിരായ ആദ്യ ടി20 പരമ്പരയില് 4 ഓവറില് 20 റണ്സ് വഴങ്ങി ദീപ്തി ഒരു വിക്കറ്റെടുത്തിരുന്നു. ഇതാണ് താരത്തിനു നേട്ടമായത്. ഈ പ്രകടനത്തിലൂടെ താരത്തിന്റെ റേറ്റിങ് പോയിന്റ് അഞ്ചിലേക്ക് ഉയര്ന്നതോടെയാണ് ഒന്നാം സ്ഥാനത്തേക്ക് കുതിച്ചത്. ഓസ്ട്രേലിയയുടെ അന്നബെല് സതര്ലാന്ഡിനെ പിന്തള്ളിയാണ് ദീപ്തിയുടെ നേട്ടം. ഒറ്റ പോയിന്റ് വ്യത്യാസത്തിലാണ് ദീപ്തിയുടെ മുന്നേറ്റം.
ഇന്ത്യയുടെ ജെമിമ റോഡ്രിഗ്സും നേട്ടമുണ്ടാക്കിയിട്ടുണ്ട്. താരം ടി20 ബാറ്റര്മാരുടെ പട്ടികയില് 9ാം സ്ഥാനത്തേക്ക് കയറി. 5 സ്ഥാനങ്ങളാണ് ഒറ്റയടിക്ക് മെച്ചപ്പെടുത്തിയത്. ജെമിമയ്ക്കും ശ്രീലങ്കക്കെതിരായ പോരാട്ടമാണ് തുണയായത്. മത്സരത്തില് ഇന്ത്യന് ജയത്തില് നിര്ണായകമായത് ജെമിമ പുറത്താകാതെ നേടിയ അര്ധ സെഞ്ച്വറിയാണ്.
സ്മൃതി മന്ധാന ടി20 ബാറ്റര്മാരുടെ റാങ്കിങില് മൂന്നാം സ്ഥാനം നില്നിര്ത്തി. അതേസമയം ഓപ്പണര് ഷെഫാലി വര്മ പത്താം സ്ഥാനത്തേക്കിറങ്ങി. ബാറ്റര്മാരുടെ പട്ടികയില് ഇന്ത്യന് ക്യാപ്റ്റന് സ്മൃതി മന്ധാന 15ാം റാങ്കില് തുടരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
