സതാംപ്ടണ്: ഇംഗ്ലണ്ടിലെ ട്രാഫിക്കില് കുരുങ്ങി ഇന്ത്യന് ക്രിക്കറ്റ് ടീം. ഇതോടെ പരമ്പരയിലെ അവസാന ടി20 മത്സരം വൈകി. ഇതാദ്യമായാണ് ഇന്ത്യന് താരങ്ങള് ഗതാഗതക്കുരുക്കില് കുടുങ്ങി മത്സരം വൈകിയത്. ആറരയ്ക്കായിരുന്നു ടോസ് ഇടേണ്ടിയിരുന്നത്. എന്നാല് ആ സമയം കഴിഞ്ഞ ശേഷമാണ് ഇന്ത്യന് ടീം ഗ്രൗണ്ടില് എത്തിയത്. ഇരുടീമുകളും അഞ്ചരയ്ക്ക് ഗ്രൗണ്ടില് എത്തേണ്ടതായിരുന്നു.
നാലു കിലോമീറ്റര് ദൂരം സഞ്ചരിക്കാന് ഇന്ത്യന് ടീമീന് വേണ്ടി വന്നത് 57 മിനിറ്റ് സമയമാണ്. ഇന്ത്യന് കളിക്കാരും സപ്പോര്ട്ട് സ്റ്റാഫും കൃത്യസമയത്ത് എത്താതിരുന്നതിനെ തുടര്ന്നാണ് മത്സരം നിശ്ചയിച്ച സമയത്തില് നിന്നും മാറിയത്. ടീമംഗങ്ങള് ഗതാഗത കുരുക്കില്പ്പെട്ടന്നറിഞ്ഞതോടെ ടോസ് മാറ്റിവയ്ക്കാന് അധികൃതര് തീരുമാനിക്കുകയായിരുന്നു.
ഏറെ വൈകിയാണ് ഇന്ത്യന് ടീമംഗങ്ങള് ഗ്രൗണ്ടില് എത്തിയത്. ഇതോടെ ആദ്യം നിശ്ചയിച്ചിരുന്നതിലും 45 മിനിറ്റ് വൈകി ഇന്ത്യന് സമയം രാത്രി 7:15-ന് ടോസ് നടക്കുമെന്നും 7:30-ന് മത്സരം ആരംഭിക്കുമെന്നും അധികൃതര് അറിയിച്ചു. സാധാരണയായി മത്സരം ആരംഭിക്കുന്നതിന് അരമണിക്കൂര് മുമ്പ് ടോസ് നടക്കാറുള്ളതിനാല് ഈ വൈകല് തികച്ചും അപ്രതീക്ഷിതമായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
