ദുബായ്: ഓസ്ട്രലിയക്കെതിരായ മൂന്ന് മത്സരങ്ങളുള്ള പരമ്പരയിലെ ആദ്യ വിജയത്തോടെ ഐസിസിയുടെ ഏകദിന റാങ്കിങ്ങില്‍ ഇന്ത്യ ഒന്നാമതെത്തി. ഇതോടെ ക്രിക്കറ്റിന്റെ മൂന്ന് ഫോര്‍മാറ്റിലും ഇന്ത്യയാണ് ഒന്നാമത്. ബദ്ധവൈരികളായ പാകിസ്ഥാനെ മറികടന്നാണ് ഇന്ത്യയുടെ നേട്ടം.
വെള്ളിയാഴ്ച ഓസ്‌ട്രേലിയക്കെതിരായ മത്സരത്തില്‍ ഇന്ത്യ അഞ്ച് വിക്കറ്റ് വിജയം നേടിയിരുന്നു. ഈ വിജയത്തോടെയാണ് ഇന്ത്യ ഏകദിന റാങ്കിങ്ങില്‍ ഒന്നാമതെത്തിയത്. 116 പോയിന്റുമായാണ് പട്ടികയില്‍ ഇന്ത്യ ഒന്നാമതെത്തിയത്. പാകിസ്ഥാനുള്ളത് 115 പോയിന്റാണ്.
ടെസ്റ്റ്, ടി20 ചാര്‍ട്ടില്‍ ഇന്ത്യ നേരത്തെ ഒന്നാം സ്ഥാനത്ത് എത്തിയിരുന്നു. ഏകദിനത്തിലും ഈ നേട്ടം കൈവരിച്ചതോടെയാണ് മൂന്ന് ഫോര്‍മാറ്റിലും ഇന്ത്യ ഒന്നാമതെത്തിയത്. പുരുഷ ക്രിക്കറ്റില്‍ ഇത് രണ്ടാം തവണയാണ് ഒരുരാജ്യം മൂന്ന് ഫോര്‍മാറ്റിലും ഒന്നാമതെത്തുന്നത്. 2012ല്‍ ദക്ഷിണാഫ്രിക്ക ഈ നേട്ടം കൈവരിച്ചിരുന്നു. റാങ്കിങ് പോയിന്റില്‍ രണ്ട് പോയിന്റ് കുറഞ്ഞെങ്കിലും ഓസ്‌ട്രേലിയയാണ് മൂന്നാം സ്ഥാനത്ത്. ഞായറാഴ്ച ഇന്‍ഡോറിലാണ് ഓസ്‌ട്രേലിയക്കെതിരായ ഇന്ത്യയുടെ രണ്ടാമത്തെ മത്സരം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
