മുംബൈ: ടി20 ക്രിക്കറ്റ് ലോകകപ്പിന്റെ ആദ്യ മത്സരത്തില് യുഎസ്എയ്ക്കെതിരേ ഇന്ത്യയ്ക്ക് 161 റണ്സ്. നിശ്ചിത 20 ഓവറില് 9 വിക്കറ്റ് നഷ്ടത്തിലാണ് ഇന്ത്യ 161 റണ്സ് സ്കോര് ചെയ്തത്. 49 പന്തില് നിന്ന് 84 റണ്സ് നേടിയ നായകന് സൂര്യകുമാര് യാദവാണ് ഇന്ത്യയുടെ ടോപ് സ്കോറര്. നാല് ഓവറിൽ 25 റൺസ് മാത്രം വഴങ്ങി നാലു വിക്കറ്റെടുത്ത ദക്ഷിണാഫ്രിക്കൻ വംശജനായ മീഡിയം പേസർ ഷാഡ്ലി വാൻ ഷാൽക്വിക്കാണ് യുഎസിനായി തിളങ്ങിയത്.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യ യുഎസ്എ ബൗളര്മാര്ക്ക് മുന്നില് കൂട്ടത്തോടെ മടങ്ങിയതോടെ വന് തകര്ച്ചയിലേക്ക് എത്തിയിരുന്നു. 77 ന് ആറ് എന്ന നിലയിലേക്ക് ഇന്ത്യ വീണപ്പോഴും ഒരറ്റത്ത് സൂര്യകുമാര് യാദവ് മാത്രമാണ് പൊരുതിയത്.
നേരിട്ട ആദ്യ പന്തില് തന്നെ അഭിഷേക് ശര്മ പുറത്തായി. അഭിഷേകിനെ കൂടാതെ ശിവം ദുബെയും ഗോള്ഡന് ഡക്കായി. റിങ്കു സിങ്(6), ഹര്ദീക് പാണ്ഡ്യ(5) എന്നിവരും രണ്ടക്കം കാണാതെ പുറത്തായി. 16 പന്തില് 20 റണ്സ് നേടി ഇഷാന് കിഷനും 16 പന്തില് 25 റണ്സ് നേടി തിലക് വര്മയും 11 പന്തിൽ നിന്ന് 14 റണ്സ് നേടി അക്ഷര് പട്ടേലുമാണ് രണ്ടക്കം കടന്ന മറ്റുള്ളവര്.
ഏഴാം വിക്കറ്റിൽ 41 റൺസിന്റെ കൂട്ടുകെട്ടുണ്ടാക്കിയ സൂര്യ - അക്ഷർ പട്ടേൽ സഖ്യമാണ് ഇന്ത്യയെ 100 കടത്തിയത്. 24 പന്തിൽ നിന്നായിരുന്നു ഈ സഖ്യം 41 റൺസടിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
