ന്യൂയോര്‍ക്ക്: ടി20 ലോകകപ്പ് പോരാട്ടങ്ങള്‍ നാളെ തുടങ്ങാനിരിക്കെ ഇന്ത്യ ഇന്ന് സന്നാഹ മത്സരത്തിനു ഇറങ്ങുന്നു. ബംഗ്ലാദേശാണ് എതിരാളികള്‍. ഇന്ത്യന്‍ സമയം ഇന്ന് രാത്രി എട്ട് മണിക്കാണ് പോരാട്ടം. ന്യൂയോര്‍ക്കിലെ നസോ കൗണ്ടി ക്രിക്കറ്റ് സ്‌റ്റേഡിയമാണ് വേദി.
ഐപിഎല്ലിനു ശേഷം കഴിഞ്ഞ ദിവസം യുഎസ്എയില്‍ എത്തിയ സൂപ്പര്‍ ബാറ്റര്‍ വിരാട് കോഹ്‌ലി ഇന്ന് കളിക്കില്ല. മൂന്നാം നമ്പറില്‍ കോഹ്‌ലിക്ക് പകരം മലയാളി താരം സഞ്ജു സാംസണിനാണ് സാധ്യത.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ന്യൂയോര്‍ക്ക് സ്‌റ്റേഡിയത്തില്‍ ആദ്യമായാണ് ഇന്ത്യ കളിക്കാനിറങ്ങുന്നത്. ലോകകപ്പിലെ നാല് ഗ്രൂപ്പ് പോരാട്ടങ്ങളില്‍ മൂന്നും ഇന്ത്യ കളിക്കുന്ന ഈ പിച്ചിലാണ്. അതിനാല്‍ തന്നെ സന്നാഹ മത്സരത്തില്‍ ഇന്ത്യക്ക് സാഹചര്യങ്ങള്‍ വിലയിരുത്താനുള്ള അവസരം കൂടിയുണ്ട്.
ജൂണ്‍ അഞ്ചിനാണ് ഇന്ത്യ ലോകകപ്പിലെ തങ്ങളുടെ ആദ്യ പോരിന് ഇറങ്ങുന്നത്. ഗ്രൂപ്പ് എയില്‍ അയര്‍ലന്‍ഡാണ് എതിരാളികള്‍. പിന്നാലെ ഒന്‍പതിനാണ് ചിരവൈരികളായ പാകിസ്ഥാനുമായുള്ള ബ്ലോക്ക് ബസ്റ്റര്‍ പോരാട്ടം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
