സിഡ്നി: ഓസ്‌ട്രേലിയൻ വനിതകളുടെ വിജയക്കുതിപ്പിന് അവസാന ഏകദിനത്തിൽ ഇന്ത്യൻ താരങ്ങൾ അന്ത്യം കുറിച്ചു. 3 പന്തുകൾ ശേഷിക്കെ 2 വിക്കറ്റ് ജയം നേടിയാണ് ഇന്ത്യ ജയം സ്വന്തമാക്കിയത്. മൂന്ന് മത്സരങ്ങളുടെ പരമ്പരയിലെ ആദ്യ രണ്ട് ഏകദിനങ്ങളും വിജയിച്ചിരുന്ന ഓസ്ട്രേലിയ 2–1നു പരമ്പര സ്വന്തമാക്കിയെങ്കിലും തുടർച്ചയായ 27-ാം ജയം എന്ന ലക്ഷ്യത്തിന് വിരാമമിട്ടായിരുന്നു ഇന്ത്യൻ വനിതകൾ ആതിഥേയർക്കെതിരെ ജയം ആഘോഷിച്ചത്.
തുടർച്ചയായ 26 ജയങ്ങൾക്കു ശേഷമാണ് ഓസീസിന്റെ തോ‍ൽവി. ആദ്യം ബാറ്റു ചെയ്ത ഓസ്ട്രേലിയ നിശ്ചിത ഓവറിൽ ഒമ്പത് വിക്കറ്റ് നഷ്ടത്തിൽ 264 റൺസെടുത്തു. മറുപടി ബാറ്റിങ്ങിനിറങ്ങിയ ഇന്ത്യയ്ക്കായി സ്മൃതി മന്ഥന (22) – ഷഫാലി ഓപ്പണിങ് സഖ്യം 59 റൺസെടുത്തു. യുവതാരങ്ങളായ യാസ്തിക ഭാട്ടിയയും (64) ഷഫാലി വർമയുമാണ് (56) ഇന്ത്യയ്ക്കു ജയമൊരുക്കിയത്. ദീപ്തി ശർമ-സ്‌നേഹ് റാണ കൂട്ടുകെട്ടും ഇന്ത്യയുടെ ജയത്തിൽ നിർണ്ണായകമായി.
പര്യടനതത്തിലെ ഏക ടെസ്റ്റ് 30നു തുടങ്ങും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
