സിഡ്‌നി: ഓസ്‌ട്രേലിയയില്‍ ചരിത്രം ജയം നേടിയെന്ന് വിശ്വസിച്ച് മിതാലി രാജും സംഘവും ആഘോഷിക്കാന്‍ ഒരുങ്ങുമ്പോഴാണ് നാടകീയ സംഭവങ്ങളുടെ തുടക്കം. അവസാന പന്തില്‍ ഓസ്‌ട്രേലിയന്‍ താരം നികോള കെയ്‌റോയെ ജുലന്‍ ഗോസ്വാമി പുറത്താക്കിയെങ്കിലും അവിടെ നോബോള്‍ വിധിക്കുകയായിരുന്നു തേര്‍ഡ് അമ്പയര്‍. അത് നോ ബോള്‍ ആയിരുന്നോ എന്ന ചര്‍ച്ചയാണ് ഇപ്പോള്‍ ക്രിക്കറ്റ് ലോകത്ത് ഉയരുന്നത്.
അവസാന പന്തില്‍ മൂന്ന് റണ്‍സ് ആയിരുന്നു ഓസ്‌ട്രേലിയക്ക് ജയിക്കാനായി വേണ്ടിയിരുന്നത്. എന്നാല്‍ ജുലന്‍ ഗോസ്വാമിയുടെ ഹൈ ഫുള്‍ ടോസില്‍ അമ്പയര്‍ നോ ബോള്‍ വിളിച്ചു. ഇതോടെ ഫ്രീഹിറ്റ് ലഭിച്ചപ്പോള്‍ അവിടെ ഓസ്‌ട്രേലിയക്ക് ജയിക്കാന്‍ വേണ്ടി വന്നത് രണ്ട് റണ്‍സ്.
അവസാന പന്തില്‍ ലോങ് ഓണിലേക്ക് കളിച്ച് നികോള കെയ്‌റേ രണ്ട് റണ്‍സ് കണ്ടെത്തിയതോടെ ജയം ഓസ്‌ട്രേലിയയുടെ കൈകളിലേക്ക്. ജയത്തോടെ മൂന്ന് ഏകദിനങ്ങളുടെ പരമ്പര 2-0ന് ഓസ്‌ട്രേലിയ സ്വന്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
