ഐഎസ്എൽ: കൊൽക്കത്ത ഡർബിയിൽ ജയം എടികെയ്ക്ക്, അരങ്ങേറ്റത്തിൽ പരാജയമറിഞ്ഞ് ഈസ്റ്റ് ബംഗാൾ

പനാജി: ഐഎസ്എല്ലിൽ ഇന്ന് നടന്ന മത്സരത്തിൽ ഈസ്റ്റ് ബംഗാളിനെ രണ്ട് ​ഗോളിന് തോൽപ്പിച്ച് എടികെ മോഹൻ ബഗാൻ. ഇരു ടീമുകളും മികച്ച മുന്നേറ്റങ്ങളുമായി കളംനിറഞ്ഞ ആദ്യ പകുതി സമനിലയിൽ അവസാനിച്ചതിന് പിന്നാലെ രണ്ടാം പകുതിയിൽ രണ്ടുതവണ ​ഗോൾവല കുലുക്കിയാണ് എടികെ ജയം കയ്യടക്കിയത്. 

രണ്ടാം പകുതിയിൽ 49-ാം മിനിറ്റിൽ റോയ് കൃഷ്ണയാണ് എടികെയുടെ ആദ്യ ​ഗോൾ നേടിയത്. ജാവിയർ ഹെർണാണ്ടസിന്റെ പാസിൽ നിന്നായിരുന്നു കൃഷ്ണയുടെ ഗോൾ. പകരക്കാരനായി കളത്തിലെത്തിയ മൻവീർ സിങ്ങാണ് രണ്ടാം ​ഗോൾ നേടിയത്. 85-ാം മിനിറ്റിൽ ഒറ്റയ്ക്ക് മുന്നേറിയാണ് മൻവീർ ​ഗോൾവല കുലുക്കിയത്.