മുംബൈ: നിലവിലെ ലോക ചാമ്പ്യന്‍മാരായ ഇംഗ്ലണ്ടിന് എന്തു പറ്റിയെന്നാണ് ക്രിക്കറ്റ് ലോകം ചോദിക്കുന്നത്. അഫ്ഗാനിസ്ഥാനോട് ഞെട്ടിക്കുന്ന തോല്‍വി. പിന്നാലെ ദക്ഷിണാഫ്രിക്കയോട് നാണംകെട്ട പരാജയം. നാലില്‍ മൂന്ന് കളികളും തോറ്റ് അവര്‍ ആദ്യ ഘട്ടത്തില്‍ തന്നെ പുറത്താകുമോയെന്ന ആശങ്കയില്‍ നില്‍ക്കുന്നു.
ദക്ഷിണാഫ്രിക്കക്കെതിരായ തോല്‍വിയില്‍ ഇംഗ്ലണ്ടിനെ വിമര്‍ശിച്ച് രംഗത്തെത്തിയിരിക്കുകയാണ് മുന്‍ നായകന്‍ നാസര്‍ ഹുസൈന്‍. ദക്ഷിണാഫ്രിക്കക്കെതിരെ ഇംഗ്ലണ്ടിനു തൊട്ടതെല്ലാം പിഴച്ചെന്നു നാസര്‍ ഹുസൈന്‍ പറയുന്നു. ഇംഗ്ലണ്ട് ടീം തിരഞ്ഞെടുപ്പ് സംബന്ധിച്ചു ഗവനമായ ആലോചനകള്‍ നടത്തേണ്ടതുണ്ടെന്നും നാസര്‍ ഹുസൈന്‍ വ്യക്തമാക്കി.
'ടോസും ടീമിന്റെ സന്തുലിതാവസ്ഥയും അടക്കം എല്ലാം തെറ്റിയിരുന്നു. മൂന്ന് മാറ്റങ്ങളുമായി കളിക്കാനിറങ്ങിയ തീരുമാനം തന്നെ പിന്നോട്ടടിക്കുന്നതായി മാറി.'
'ക്രിസ് വോക്‌സ് താളം കണ്ടെത്താന്‍ പാടുപെട്ടു. സ്റ്റോക്‌സിനെ കൊണ്ടു വന്നത് നല്ല തീരുമാനമായിരുന്നു. എന്നാല്‍ അതും വിജയിച്ചില്ല.'
ജോസ് ബട്‌ലര്‍ ടീമിനെ നയിക്കുന്ന രീതിയെ നാസര്‍ ഹുസൈന്‍ ചോദ്യം ചെയ്യുന്നുണ്ട്. എങ്കിലും ടീമിലെ നിര്‍ണായക താരങ്ങളുടെ പരിക്ക് ക്യാപ്റ്റനു വിന്നിങ് കോമ്പിനേഷന്‍ നിര്‍ണയിക്കുന്നതില്‍ തടസമായി നില്‍ക്കുന്നുവെന്നു അദ്ദേഹം അംഗീകരിക്കുന്നു.
'ജോസ് ബട്‌ലറെ സംബന്ധിച്ചു അദ്ദേഹത്തിനു നല്ല ദിവസമായിരുന്നില്ല. ഫോമിലെത്താന്‍ സ്‌റ്റോക്‌സ് കഷ്ടപ്പെടുന്നു. ഹാരി ബ്രൂകും റീസ് ടോപ്‌ലിയും ചികിത്സയിലാണ്. ആദില്‍ റഷീദിനും അസുഖത്തിന്റെ ബുദ്ധിമുട്ടുകളുണ്ട്. ആരെ ആശ്രയിക്കും എന്നത് സംബന്ധിച്ച് ബട്‌ലര്‍ പേടി സ്വപ്‌നത്തിലാണ്.'
'ഇംഗ്ലണ്ട് ശരിയായ തീരുമാനങ്ങളിലേക്ക് ഇനിയെങ്കിലും എത്തണം. പ്രകടനത്തിലെ നിലവാരം മെച്ചപ്പെടുത്തണം'- നാസര്‍ ഹുസൈന്‍ തുറന്നടിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
