സിഡ്നി: ഓസ്ട്രേലിയന് പേസര് ജോഷ് ഹെയ്സല്വുഡ് ഐപിഎല് കളിക്കുന്ന കാര്യം സംശയത്തില്. നിലവിലെ ചാംപ്യന്മാരായ റോയല് ചലഞ്ചേഴ്സ് ബംഗളൂരുവിന്റെ നിര്ണായക പേസറാണ് ഹെയ്സല്വുഡ്. കാലിനേറ്റ പരിക്കിനെ തുടര്ന്നു കുറച്ചു കാലമായി താരം കളത്തിനു പുറത്താണ്.
2025-06ലെ ആഷസ് പരമ്പരയും പിന്നാലെ ടി20 ലോകകപ്പും താരത്തിനു നഷ്ടമായിരുന്നു. പിന്നാലെയാണ് ഐപിഎല്ലില് കളിക്കുന്ന കാര്യവും സംശയത്തിലായിരിക്കുന്നത്.
ഹെയ്സല്വുഡ് നിലവില് മെഡിക്കല് ക്ലിയറന്സിനായി കാത്തിരിക്കുകയാണെന്നു റിപ്പോര്ട്ടുകളുണ്ട്. ഇതു ലഭിച്ചാല് മാത്രമേ താരം ഐപിഎല് കളിക്കുന്ന കാര്യത്തില് വ്യക്തത വരു.
കഴിഞ്ഞ സീസണില് കന്നി ഐപിഎല് കിരീടത്തിലേക്ക് ആര്സിബി എത്തിയപ്പോള് അതില് ചെറുതല്ലാത്ത റോള് ഹെയ്സല്വുഡിനുണ്ട്. താരം 12 കളിയില് നിന്നു 22 വിക്കറ്റുകള് വീഴ്ത്തിയിരുന്നു. നിര്ണായക പേസര്ക്ക് ഫിറ്റ്നസ് ക്ലിയറന്സ് ലഭിക്കുമെന്ന പ്രതീക്ഷയിലാണ് ആര്സിബി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
